SUMANA 13-19 YA OUTUBRO
EKLEZIASTE 7-8
Nyimbo 39 na Phembero | Mafala Akutoma (mph. 1)
1. ‘Ndokoni Kunyumba Yakuti Iri na Ciliro’
(mph. 10)
Khalani na ndzidzi toera kubalangaza ale adaferwa (Ekle. 7:2; Ncenjezi 01.22 tsa. 16 ndima 9)
Longani pinthu pyadidi pikhacita munthu adalowa toera kubalangaza anango (Ekle. 7:1; Ncenjezi 06.19 tsa. 23 ndima 15)
Citani phembero na munthu adaferwa (Ncenjezi 07.17 tsa. 13 ndima 16)
KUMBUKANI: Kazinji kene, ale adaferwa asapitiriza kufuna kubalangazwa maseze papite ndzidzi ungasi.—Ncenjezi 07.17 tsa. 13-14 ndima 17-19.
2. Mpfuma Zauzimu
(mph. 10)
Ekle. 7:20-22—Mavesi anewa anatiphedza tani toera kudziwa khala tinalonga na munthu adatitsukwalisa peno nkhabe? (Ncenjezi 03.23 tsa. 31 ndima 18)
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Ekle. 8:1-13 (Kuleri na Kupfundzisa pfundziro 10)
4. Kutomesa Makani
(mph. 2) UMBONI WAPAKWECA. Sakani kudziwa pinakomerwa na munthu, buluka penepo bveranani toera mupitirize kucedza ntsiku inango. (Funani Anthu nsolo 2 khundu 4)
5. Kutomesa Makani
(mph. 2) UMBONI WANTSUSUKANO. (Funani Anthu nsolo 2 khundu 3)
6. Ulendo Wakubwereza
(mph. 2) NYUMBA NA NYUMBA. Pangizani mphangwa zinagumanika mu saiti jw.org. (Funani Anthu nsolo 9 khundu 4)
7. Kufokotoza Pinakhulupira Imwe
(mph. 5) Citsandzo. Perguntas Frequentes nsolo 50—Nsolo: Maliro a Mboni za Yahova Asacitwa Tani? (Kuleri na Kupfundzisa pfundziro 17)
Nyimbo 151
8. Khalani na Cikhulupiro Cakuwanga Thangwi ya Pikiro Yakulamuswa Muli Akufa
(mph. 15) Nkhani yakucedza.
Pikiro ya Yahova yakulamusa anthu muli akufa ndi yakufunika kakamwe kuna ife. Pikiro ineyi isatipfundzisa thangwi ya mphambvu za Yahova, udziwisi wace, ntsisi zace na ufuni unapangiza iye kuna m’bodzi na m’bodzi wa ife.—Juw. 3:16.
Tingakhulupira kakamwe pikiro yakulamuswa muli akufa nee tisadzudzumika kakamwe na nyatwa zathu. (2 Akor. 4:16-18) Pikiro ineyi isatiphedzambo toera kukhala akukhurudzika na akubalangazwa tingatcingwa, tingabva kupha peno tingaferwa. (1 Ates. 4:13) Nee tinakwanisa kukhala na kutsandzaya kwandimomwene tingakhonda kukhulupira pikiro yakulamuswa muli akufa. (1 Akor. 15:19) Pinakhala mwadidi kuwangisa cikhulupiro cathu ku pikiro ineyi yakutsandzayisa kakamwe.
Lerini Juwau 11:21-24. Buluka penepo citani mibvundzo iyi:
Marta apangiza tani kuti akhakhulupira kakamwe pikiro yakulamuswa muli akufa?
Ndi nkhombo zipi zidakhala na iye thangwi ya cikhulupiro cace?—Juw. 11:38-44
Pangizani VIDHYU Towezerani Akazi a Cikhulupiro Cakuwanga!—Marta. Buluka penepo citani mibvundzo iyi:
Thangwi yanji cidikhiro cakulamuswa muli akufa ndi cakufunika kakamwe kuna imwe?
Musafunika kucitanji toera cidikhiro canu cakulamuswa muli akufa cipitirize kukhala cakuwanga?