KUTAWIRWA KWA MIBVUNDZO YA BHIBHLYA

Kodi Kufa Kwa Yezu Kusatiphedza Tani?

Pidacita iye anthu, Mulungu akhafuna kuti iwo akhale kwenda na kwenda pa dziko yapantsi mbakhonda kuthabuka na mautenda peno kufa. Mbwenye mamuna wakutoma, Adhamu, nee abvera Mulungu, mbaluza cidikhiro cakukhala maso kwenda na kwenda. Ninga ana a Adhamu, ife tatambira kufa kubulukira mwa iye. (Aroma 5:8, 12; 6:23) Mulungu wandimomwene, Yahova, atuma Mwanace, Yezu, pa dziko yapantsi kuti afe toera kuombola pidaluza Adhamu.​—Lerini Jwau 3:16.

Kufa kwa Yezu kusatiphedza kulekererwa madawo athu toera kukhala na umaso wakukhonda mala. Bhibhlya isatipangiza kuti umaso unadzakhala tani mu ndzidzi wakuti nkhabe kudzathimbana pontho na kugwesera, mautenda na kufa.​—Lerini Izaiya 25:8; 33:24; Apokalipse 21:4, 5.

Tisafunika Kukumbukira Tani Kufa Kwa Yezu?

Ncidodo, pa ntsiku ya kufa kwace, Yezu apanga atowereri ace toera kukumbukira kufa kwace mu njira yakukhonda nentsa. Kukumbuka kufa kwa Yezu mu njira ineyi pyaka pyonsene kusatiphedza kuona kuti Yezu na Yahova apangiza ufuni ukulu kakamwe kwa anthu.​—Lerini Luka 22:19, 20; 1 Jwau 4:9, 10.

Caka cino, Cikumbuso ca kufa kwa Yezu cinadzacitwa n’Ciposi, ntsiku 14 ya Bwinja, dzuwa ingabira. Imwe musacemerwa toera kugumanyikana na Mboni za Yahova mu cisa canu.​—Lerini Aroma 1:11, 12.

Toera kudziwa pizinji, onani nsolo 4 na 5 wa iyi, Kodi Mwandimomwene Bhibhlya Isapfundzisanji?, yakubuluswa na Mboni za Yahova

Isagumanika toera kucita download mu site www.jw.org