KUTAWIRWA KWA MIBVUNDZO YA BHIBHLYA

Kodi Ana Anapfundza Tani Kufuna Mulungu?

Ananu anapfundza kufuna Mulungu basi ene angaona cipangizo cakuti iye alipo, pontho iye asaafuna. Toera kufuna Mulungu, iwo asafunika kundziwa. (1 Jwau 4:8) Mwacitsandzo, iwo asafunika kudziwa: Ndi cipi cifuniro ca Mulungu pidacita iye anthu? Thangwi yanji Mulungu asatawirisa nyatwa? Ninji pinafuna kudzacita Mulungu kuna anthu ntsogolo?​—Lerini Afilipi 1:9.

Toera kuphedza ananu kuti afune Mulungu, imwe musafunika kupangiza kwa iwo kuti imwe musanfuna. Iwo angaona pyenepi, mwakukhonda penula iwo anadzatowezera citsandzo canu.​—Lerini Deuteronomyo 6:5-7; Misangani 22:6.

Munakwanisa Tani Kukhuya Mitima Ya Ananu?

Mafala a Mulungu ndi amphambvu. (Ahebere 4:12) Natenepa, phedzani ananu toera kupfundza pipfundziso pyakutoma pya Bhibhlya. Toera kukhuya mitima ya anthu, Yezu akhacita mibvundzo, akhabvesera, mbafokotoza Malemba. Toera kukhuya mitima ya ananu, imwe musafunika kutowezera citsandzo cakupfundzisa kwa Yezu.​—Lerini Luka 24:15-19, 27, 32.

Mwakuthimizira, mbiri za Bhibhlya zinapangiza njira zidatsalakanira Mulungu anthu, zinaphedza ana toera kudziwa na kufuna Mulungu. Mabukhu adacitwa toera kukwanirisa cifuniro ceneci asagumanika mu Interneti pa www.jw.org​—Lerini 2 Timoti 3:16.

Toera kudziwa pizinji, onani nsolo 14 wa bukhu iyi, yakubuluswa na Mboni za Yahova.

Isagumanika mu Interneti pa www.jw.org, munakwanisambo kuiphemba mwakukhonda lipa mu kuphatisira njira zidapangizwa pa tsamba 2 ya revista ino