Pyakulonga Pa Kugawira Marevista

A Sentinela 1.° de Out.

“Anyakudziwa pinthu asadzindikira kufunika kwa basa ya baba mu umaso wa banja. Imwe musanyerezera kuti ndi ninji cinacitisa munthu kukhala baba wadidi? [Dikhirani ntawiro.] Yezu alonga kuti aphedzwa kakamwe na citsanzo ca Babace. [Lerini Jwau 5:19.] Nsolo uyu usapangiza makhundu akufunika matanthatu a basa ya baba.” Pangizani nsolo unatoma pa tsamba 18.

Despertai! ya Out.

“Anthu a mauphemberi mazinji ali na maonero akusiyana-siyana akulonga pya n’khaliro wandimomwene wa Mulungu. Mphapo, Mwana wa Mulungu anfokotoza tani Iye? Onani mafala a Yezu pa Jwau 4:24. [Lerini.] M’matsamba mawiri basi, nsolo uyu usapangiza maonero a Bhibhlya ku mbvunzo wakuti: ‘Qual é a natureza de Deus?’ (Ndi upi n’khaliro wa Mulungu?)” Pangizani nsolo pa tsamba 24 na 25.

A Sentinela 1.° de Nov.

“Anthu azinji asacimwana kubveranisa pikhulupiro pyawo pya Mulungu waufuni na cipfunziso ca kuthabuswa kwa kuenda na kuenda. Imwe musanyerezerambo tani? [Dikhirani ntawiro.] Mwapakweca Bhibhlya isapfunzisa kuti Mulungu si wakuuma ntima peno wakutcinyusa anthu tayu. [Lerini Ezekyele 18:23.] Imwe munadzakomerwa na mathangwi anapereka Malemba mu revista ino.”

Despertai! ya Nov.

“Kazinji kene anthu asalandanisa kupembera na mbiri, mpfuma, peno mphambvu. Kwa imwe kupembera ndi ninji? [Dikhirani ntawiro.] Onani pinthu pinatsogolera ku kupembera mwakubverana na Bhibhlya. [Lerini Masalmo 1:1-3.] Nsolo uyu usapangiza pinthu pitanthatu pinacitisa munthu kupembera.” Gomezerani nsolo unatoma pa tsamba 6.