KUTHIMIZIRA MALUSO ATHU MU UTUMIKI​—Kuphatisira Mavidyu Toera Kupfundzisa

THANGWI YANJI MPHYAKUFUNIKA:

Mavidyu anakwanisa kukhuya mitima ya anthu thangwi asatundusa maso na makutu. Pyenepi pisaphedza munthu toera kupangiza cifuno mbapikhuya umaso wace mu ndzidzi uzinji. Yahova apangiza citsandzo cadidi ca kuphatisira mphambvu ya maso toera kupfundzisa.​—Mach. 10:9-16; Apok. 1:1.

Mavidyu akuti Deus Tem Nome?, Quem é o Autor da Bíblia?, na Como Podemos ter Certeza de Que a Bíblia é Verdadeira?, asathimizira mphangwa zinagumanika mu nsolo 2 na 3 wa bruxura Mphangwa Zadidi. Mavidyu akuti Thangwi Yanji Tisafunika Kupfundza Bhibhlya?, Kodi Pfundziro ya Bhibhlya Isacitwa Tani? na Ninji Pinacitwa Pa Nyumba ya Umambo?, asawangisa anthu toera kupfundza Bhibhlya na ife peno toera kugumanika pa misonkhano ya mpingo. Mavidyu athu anango a mphindi zakulapha anakwanisambo kuphatisirwa toera kupfundzisa Bhibhlya.​—km 5/13 7.

TINACITA TANI PYENEPI:

• Kopyarini mwanyapantsi vidyu inafuna imwe kupangiza mwanaciro nyumba

• Khunganyani mbvundzo ubodzi peno miwiri yakuti inatawirwa mu vidyu

• Onani pabodzi vidyu

• Dingani ntsonga zakufunika za vidyu

YESERANI KUCITA IPI:

• Onani tsamba yakumalisa ya tratado yathu ibodzi, pangizani cidzindikiro cakuti cisaphedza toera kufika pa vidyu Thangwi Yanji Tisafunika Kupfundza Bhibhlya?

• Pangizani vidyu Como Podemos ter Certeza de Que a Bíblia é Verdadeira?, na gawirani bruxura Mphangwa Zadidi, mbamudinga nsolo 3