Phatisirani Mwadidi Piphedzo Pyakuoneka Towera Kupfunzisa
1 M’midzidzi inango Yahova aphatisira masomphenya na ndoto towera kupanga anzakazi ace akale mphangwa zakufunika. Nyerezerani masomphenya a Ezekyele a gareta yakudzulu ya Yahova. (Ezek. 1:1-28) Nyerezeranimbo kuti Danyele apibva tani pakumala kutambira ndoto yaciprofesiya inalonga pya kupitirana mbuto kwa mautongi amphambvu a dziko yapantsi. (Dan. 7:1-15, 28) Tinalonganji mphapo pya mfokotozo wakudzidzimusa wa pinthu pinafuna kudzacitika nkati mwa “ntsiku ya Mbuya” udapaswa mpostolo Jwau ‘m’pidzindikiro,’ [NM]? (Apok. 1:1, 10) Yahova aapfunzisa m’kuphatisira piphedzo pyakuoneka mwapakweca na pyamakore, na pyenepi pyacitisa kuti iwo akhale napyo m’manyerezero kwenda na kwenda.
2 Khala tisafuna kufokotoza undimomwene wa Biblya kwa anthu m’njira yakuti inadzaakhuya kwenda na kwenda, tingakwanise kuphatisira mavidiyu athu towera kupfunzisa. Mavidiyu athu asalonga ntsonga zizinji na asakulisa cinyindiro ku Biblya, ku gulu ya Yahova, na ku midida inaticitisa kukhala Akristu adidi. Onani njira zingasi zakuti tingakwanise kuphatisira mavidiyu athu towera kupfunzisa. Mavidiyu anatowerera ndi mangasi akuti angakwanise kuphatisirwa.
3 M’utumiki: Kodi mwatoma kale kupanga nyakupfunza wa Biblya pya ubale wathu Wacikristu wa dziko yonsene yapantsi? Mpangizeni ubale unoyu m’kumuonesa vidiyu Nossa Associação Inteira de Irmãos. Mungakwanise kumbwerekesa towera aone mbamusati kucita pfunziro inafuna kudza peno kuona pabodzi nkati mwa pfunziro inafuna kudza.
4 Aphale na atsikana, mungakwanise kulonga na apfunzisi anu towera kupangiza turma yanu vidiyu yakuti As Testemunhas de Jeová Resistem ao Ataque Nazista peno As Testemunhas de Jeová na União Soviética—Fiéis sob Provas. Perekekani towera kukhunganya tsamba ya mabvunzo, mbumucinja mabvunzo anagumanika m’Nosso Ministério do Reino wa Fevereiro de 2003 towera abverane na ntsonga zinafuna imwe kudinga m’turma.
5 Na Banja Pabodzi Na Axamwali: Anyakubala, musakumbukira ulendo wakumalisa udaona anapiana anu vidiyu yakuti Os Jovens Perguntam: Como Fazer Verdadeiros Amigos? Thangwi yanji nkhabe kuiona pontho pa pfunziro yanu ya banja inafuna kudza?
6 Kodi alipo axamwali m’mpingo anafuna imwe kucemerera kunyumba kwanu? Kuona pabodzi vidiyu yakuti Respeite a Autoridade de Jeová kungakwanise kucitisa cidodo kukhala cakuwangisa, makamaka mungabwerezera pidapfunzwa m’kuphatisira mabvunzo adandandalikwa m’Nosso Ministério do Reino wa Setembro de 2004.
7 Miyai Inango: Kodi munakwanisambo tani kuphatisira mavidiyu athu akusiyana akukwana 20? Kodi kupangiza ibodzi peno mawiri a mavidiyu anewa kungakwanise kuphedza ule anaenda imwe kaona mokhonda phonya kukula mwauzimu? Kodi mbumudaperekeka towera kuenda kapangiza mavidiyu m’nyumba yakutsalakanira akukalamba na atenda? Kodi mavidiyu anewa angakuphedzeni kuwina cilemedzo kwa acibale anu, anyakuendekana anu na anzanu a basa okhonda khala Amboni? Mavidiyu athu ndi akudzumatirisa, akupfunzisa mwadidi na ndi piphedzo pyakuoneka pyakuphata basa. Aphatisireni towera kupfunzisa.
[Study Questions]
1. Kodi Yahova aphatisira tani piphedzo pyakuoneka towera kupfunzisa anzakazi ace akale, na pyenepi pyabweresa maphindu api?
2. Kodi ndi piphedzo pipi pyakuoneka pyakuti tingakwanise kupiphatisira towera kupfunzisa anango undimomwene wa Biblya?
3. Kodi mungakwanise kuphatisiranji towera kutsogolera nyakupfunza wa Biblya ku gulu?
4. Kodi ndi piphedzo pipi pyakupfunzisa pyakuti aphale na atsikana Acimboni angakwanise kupiphatisira ku xikola?
5. Kodi ndi ciphedzo cipi cakuti anyakubala angakwanise kuciphatisira pa pfunziro ya banja?
6. Kodi munakwanisa tani imwe na axamwali anu kukhala na nzidzi wakuwangisana?
7. Kodi ndi njira zipi zakuti mungakwanise kuzinyerezera towera kuphatisira mavidiyu athu?