KUKHALA MASO NINGA AKRISTU
Aphale na atsikana—Bandzani Mwai Cincino Toera Kucita Pizinji M’basa ya Yahova
Mphyakukhonda nentsa kunyerezera kuti ntsiku za uphale peno utsikana wathu zinadzapitiriza mbitikhonda kuthimbana na ‘nyatwa’ n’dziko ino ya Sathani. (Koel. 12:1) Ndi thangwi yace, aphale na atsikana anango asanyerezera kuti aciri na ndzidzi uzinji toera kukwanirisa pifuno pyauzimu, ninga kutumikira m’basa ya ndzidzi onsene. Kodi imwe musanyerezerambo tenepo?
‘Ndzidzi na pinthu pyakukhonda kudikhirwa pisagwera’ ife tonsene, kuphatanizambo aphale na atsikana. (Koel. 9:11) ‘Imwe nkhabe dziwa kuti umaso wanu unadzakhala tani mangwana.’ (Tya. 4:14) Natenepa, lekani dembuka kukwanirisa pifuno pyanu pyauzimu mwakusowa mathangwi. Pitani na ‘pansuwo ukulu toera kucita mabasa mazinji’ wakuti uciri wakufungulwa. (1 Akor. 16:9) Mungacita pyenepi, cipo munadzatsumbikika.
Pifuno pingasi pyauzimu pyakuti panango munapikwanirisa:
Kumwaza mphangwa mu cilongero cinango
Kutumikira ninga mpainiya wa ndzidzi onsene
Kukursari Maxikola a utumiki wa Mulungu
Basa yakumanga Nyumba za Umambo
Kutumikira ku Bheteli
Kutumikira ninga muyang’aniri wa cisa