Kuthimizira Maluso Athu Mu Utumiki​—Kucinja Njira Yakumwaza Mphangwa Mwakukhonda Nentsa

THANGWI YANJI MPHYAKUFUNIKA: Akristu akudzodzwa na mabira anango akucemera anthu a mitundu onsene toera ‘amwe madzi akupasa umaso mwakukhonda lipa.’ (Apok. 22:17) Madzi anewa akuphiphirisa asaimirira masasanyiro onsene anacita Yahova toera kuombola anthu akubvera ku madawo na kufa. Toera kuphedza anthu akuti ali na misambo na mauphemberi akusiyana-siyana, tisafunika kuamwazira “mphangwa zadidi za kwenda na kwenda” munjira yakuti inakhuya mitima yawo.—Apok. 14:6.

TINACITA TANI PYENEPI:

• Sankhulani ntsonga na lemba yakuti inakhuya mitima ya anthu a ncisa canu. Panango munasankhula mafala akukhonda nentsa toera kutomesa makani peno munaphatisira njira zakuti mwaziphatisira kale, pontho zakuphedzani. Ndi ntsonga zipi, pontho ndi malemba api akuti asacitisa anthu kubvesera mphangwa zathu? Pana mphangwa zipswa zakuti anthu asazinyerezera na kuzilonga kazinji kene? Ndi mphangwa zipi zakuti zinakwanisa kukhuya ntima wa mamuna peno nkazi?

• Mwanyikani munthu anafuna kucedza na imwe, pontho phatisirani misambo yakutawirika ya ncisa canu.—2 Akor. 6:3, 4

• Dziwani mwadidi mabukhu na mavidhyu athu anagumanika M’bokosi Yathu ya Kupfundzisa toera kuaphatisira kuna munthu anapangiza cifuno

• Bhaxarini mabukhu peno mavidhyu a pilongero pya anthu anagumana imwe ncisa canu

• Cinjani mphangwa zinacedza imwe mwakubverana na makhaliro a mwanaciro nyumba. (1 Akor. 9:19-23) Mwacitsandzo, munalonganji mungadziwa kuti mwanaciro nyumba aferwa na wakufunika wace ntsiku zingasi nduli?

ONANI VIDHYU, BULUKA PENEPO TAWIRANI MIBVUNDZO IYI:

• Ndi mphangwa zipi zidatoma kulonga m’mwazi mphangwa kuna mwanaciro nyumba?

• Ndi pinthu pipi pidacitikira mwanaciro nyumba?

• Ndi lemba ipi ikhali yakufunika mu ndzidzi unoyu, pontho thangwi yanji?

• Munacinja tani maperekero anu a umboni toera kukhuya mitima ya anthu a ncisa canu?