Mukuphatisira Misangani Toera Kugomezera Ntsonga Zakufunika

Tingacita maulendo akubwereza peno tingacitisa mapfundziro a Bhibhlya, tisafunika kuphedza nyakupfundza peno mwanaciro nyumba toera kubvesesa ntsonga zakufunika. Tingaphatisira misangani toera kugomezera ntsonga, tinakwanisa kukhuya mitima ya anthu na kuaphedza toera kukumbuka pinapfundza iwo.

Pakukhunganyika toera kucita ulendo wakubwereza peno toera kucitisa pfundziro ya Bhibhlya, nyerezerani ntsonga zingasi zinafuna kugomezera imwe. Buluka penepo sankhulani misangani yakukhonda nentsa inalonga thangwi ya pinthu pinacitika ntsiku na ntsiku. (Mat. 5:14-16; Marko 2:21; Luka 14:7-11) Nyerezerani makhaliro na pinthu pinacita munthu anapfundza na imwe. (Luka 5:2-11; Juwau 4:7-15) Mungaona kuti akutsandzaya pisapangiza kuti iye abvesesa pinalonga imwe.

ONANI VIDHYU YA NSOLO WAKUTI TSANDZAYANI M’BASA YAKUMWAZA MPHANGWA—THIMIZIRANI MALUSO ANU—PHATISIRANI MISANGANI TOERA KUGOMEZERA NTSONGA ZAKUFUNIKA, BULUKA PENEPO TAWIRANI MIBVUNDZO IYI:

• 

  Thangwi yanji anyakupfundza asafunika ciphedzo toera abvesese mavesi a Bhibhlya?

• 

  Ndi nsangani upi udaphatisira Rita toera kubvekesa lemba ya Aroma 5:12?

• 

  Kodi misangani yadidi inaphedza tani anthu anamwazira ife mphangwa?

• Thangwi yanji tisafunika kuphatisira mavidhyu mu utumiki na maferamentu anango anapaswa ife na gulu ya Yahova?