Makhaliro a Esdhra Apasa Mbiri Yahova

Esdhra atawirisa kuti Mafala a Mulungu akhuye ntimace na makhaliro ace (Esd. 7:10; Sentinela 1/10/00 tsa. 14 ndima 8)

Esdhra aphedza anango toera kudziwa udziwisi wa Mulungu (Esd. 7:25; Toda a Escritura tsa. 75 ndima 5)

Thangwi yakucepeseka kwace pamaso pa Mulungu, Esdhra akhali na cinyindiro cakuti Yahova mbadantsogolera na kuntsidzikiza (Esd. 8:21-23; Perspicaz vol. 1 tsa. 1179 ndima 7)

Nakuti Esdhra apangiza kuti akhali na udziwisi wa Mulungu, mambo ampasa mabasa makulu. Ninga Esdhra, ife tinakwanisambo kupasa mbiri Yahova na makhaliro athu.

BVUNDZIKANI: ‘Kodi anthu akuti nee asalambira Yahova asandilemedza thangwi ya makhaliro anga adidi?’