-
Yezu ‘Akhabvera Ntsisi’“Bwera Ukhale Nyakupfundza Wanga”
-
-
3 Maseze pakhali na dzumbi ya anthu, Yezu abva anyakuphemba-phemba mbakakhuwa. Kodi iye acitanji? Iye akhali na pizinji kakamwe toera kunyerezera. Yezu akhadziwa kuti mu ntsiku zingasi mbadathabuswa kakamwe, pontho mbadaphiwa munjira yakutsukwalisa kakamwe mu Yerusalemu. Ngakhale tenepo, iye nee apwaza mikhuwo ya anyakuphemba-phemba. Yezu alimira mbaphemba kuti ale anakhuwa aendeswe pana iye. Iwo adembetera: “Mbuya, tisafuna kuti mufungule maso athu.” “Yezu aabvera ntsisi,” mbakhuya maso awo, penepo pene iwo atoma pontho kuona.a Mwakukhonda dembuka, iwo atowera Yezu.—Luka 18:35-43; Mateu 20:29-34.
-
-
Yezu ‘Akhabvera Ntsisi’“Bwera Ukhale Nyakupfundza Wanga”
-
-
a Fala Yacigerego idathumburuzwa “Yezu aabvera ntsisi” ikhadziwika mwadidi mu Cigerego toera kupangiza kuti munthu ali na ntsisi. Dhisionaryo inango ya Bhibhlya yalonga kuti fala ineyi nee isaphatisirwa basi ene toera kulonga “mabvero a ntsisi anapangiza munthu kuna ule anathabuka, mbwenye asabveka kusaka njira toera kumalisa nyatwa zinatamba munthu anathabuka.”
-