Pitirizani Kukhala Waphinga na Wakuwanga Mwauzimu Makhaliro Anu Angacinja

Macinjo nkhabe mala, makamaka mu ntsiku zino zakumalisa. (1 Akor. 7:31) Maseze akhale macinjo akuti tikhaadikhira peno nkhabe, akhale adidi peno akuipa, iwo anakwanisa kudzudzumisa ulambiri wathu na kufewesa uxamwali wathu na Yahova. Mphapo ninji pinafuna kutiphedza toera kupitiriza kukhala aphinga na akuwanga mwauzimu mu ndzidzi wa macinjo? Onani vidyu Mudar-se e continuar espiritualmente firme, buluka penepo tawirani mibvundzo iyi:

• Kodi m’bale m’bodzi apereka uphungu upi kwa nyakubala unango?

• Kodi uphungu unagumanika pa Mateo 7:25 usabverana tani na makhaliro a banja ineyi?

• Kodi banja ineyi yakhunganyika tani mwanyapantsi toera kufuluka, na pyenepi pyaaphedza tani?

• Ninji pidaphedza banja ineyi toera kudzolowera makhaliro a mu mpingo upswa na cisa cipswa?

Ndi macinjo api makulu adacita ine cincino?

Ndinaphatisira tani midida idapfundza ine mu vidyu mu umaso wanga?