Vidyu Ipswa Toera Kutomesa Mapfundziro a Bhibhlya

Vidyu yacigwagwa ya nsolo wakuti “Thangwi Yanji Tisafunika Kupfundza Bhibhlya”? ikufika kwa anthu azinji kubulukira mu jw.org. Vidyu ineyi iri na cifuniro cakuphedza anthu anapangiza cifuno toera kutawira pfundziro ya Bhibhlya yakukhonda lipa. Tinakwanisa kuona vidyu ineyi mu kupfinya pa “Peça um estudo bíblico” pa tsamba yakutoma mu Web site peno kucita scan pa cidzindikiro cinagumanika pa tsamba yakumalisa ya matratado athu mapswa. Awa ndi maonero mangasi toera kuphatisira mwadidi vidyu ineyi.

• Paulendo wakubwereza, pangani mwanaciro nyumba: “Ndikupangizeni vidyu yacigwagwa inapangiza kuti munagumana tani matawiro a mibvundzo yanu ya Bhibhlya?” Angatawira, mpangizeni vidyu mu ntcini wanu peno wace.

• Tingagawira tratado ipswa pakupereka umboni wantsusukano peno umboni wapakweca, pangizani cidzindikiro na wangisani munthu unoyu toera kucita scan mu ntcini wace. Nakuti mu pilongero pizinji cidzindikiro ceneci cisapangiziratu vidyu mu Web site yathu, munakwanisa kumpangiza vidyu mwakucimbiza mu kuphatisira ntcini wanu.

• Pangani andzanu akubasa, akuxikola, acibale, na anango anadziwa imwe thangwi ya vidyu ineyi, mbamuperekeka toera kuapangiza. Peno tumizani vidyu kuna munthu anafuna imwe toera kuiona.

Tingaphatisira masasanyiro mapswa anewa, tinakwanisa kutomesa mapfundziro mazinji a Bhibhlya, mbatiphedza mwauzimu ‘ale akuti ali na cifuno cakukhala na umaso wakukhonda mala.’​—Mach. 13:48.