Maonero Toera Kuaphatisira pa Pfundziro ya Munthu Paekha na Pakulambira Kwa Banja

Ife tisalambira Yahova tayu basi ene ninga nsoka pa misonkhano yathu ya mpingo, ya cisa na ya gawo, mbwenye tisamulambirambo tingakhala tekhene peno na banja yathu. Awa ndi maonero mangasi akuti munakwanisa kuaphatisira pa pfundziro ya munthu paekha na pakulambira kwa banja:

• Khunganyikani misonkhano. Pakukhunganyika yeserani kuimba nyimbo zinafuna kuimbwa pa misonkhano, pontho phedzani onsene pabanja kuti akhunganyike toera atawire pa misonkhano.

• Lerini mphangwa za anthu analongwa m’Bhibhlya. Buluka penepo, nyerezerani pinthu pidaacitikira, pontho lembani pidapfundza imwe.

• Lerini maphembero anagumanika m’Bhibhlya, pontho nyerezerani kuti pyenepi pinakuphedzani tani toera mucite mwadidi maphembero anu.

• Onani mavidhyu athu, buluka penepo cedzani na anango pidaona imwe peno lembani pidapfundza imwe.

• Khunganyikani kuti munamwaza tani mphangwa, yeserani ninga muli kumwazira munthu mphangwa.

• Onani pinthu pidacita Mulungu, pontho nyerezerani thangwi ya pyenepi peno cedzani na anango kuti pyenepi pisakupfundzisaninji thangwi ya Yahova.a