Psaume
Psaume ti David.
2 Mû kete vala* ti mo na kota vala ti mo,+
londo mo gbu koko ti mbi.+
3 Yô likongo ti mo nga na dö ti mo ti bira* na terê ti azo so atomba peko ti mbi ti gbu mbi.+
Tene na mbi:* “Mbi la mbi yeke salut ti mo.”+
4 Azo so agi ti zi fini* ti mbi+ zia si a zia kamene na lê ti ala nga a bi nengo ti ala na sese.
Zia si azo so ayeke mä terê ti futi mbi azi terê ti ala na kamene na lê, ala hon.
5 Zia si ala ga tongana poro ti alê ti kobe so pupu ahon na ni;
zia si ange ti Jéhovah atomba ala.+
6 Zia si lege so ala mû avuko nga aga dongo dongo
na ngoi so ange ti Jéhovah ayeke tomba peko ti ala,
7 ndali ti so gï senge senge tongaso ala honde gbanda na lege ti mbi ti gbu mbi;
gï senge senge tongaso ala zi dû ti tene mbi tï* dä.
8 Zia si ye ti ngangu atï na ndö ti ala gï gbagburu tongaso;
zia si gbanda so ala zia agbu gï ala wani;
zia si ala tï na yâ ni, ala kui.+
9 Me ti mbi,* mbi yeke duti na ngia ndali ti Jéhovah;
terê ti mbi ayeke nzere ndali ti aye so lo sara ti sö zo.
10 Abio ti mbi kue ayeke tene ande:
“Jéhovah, zo wa la ayeke tongana mo zo wa?
Azo so ayeke na zo ti mû maboko na ala pëpe, mo sö ala na tïtî azo so ayeke ngangu ahon ala,+
azo so zo ti mungo maboko na ala ayeke dä pëpe nga na awayere, mo sö ala na maboko ti azo so anzi ye ti ala.”+
13 Me na ngoi so ala yeke na kobela, mbi yü bongo ti vundu,
mbi sara pasi na terê ti mbi* na mungo jeûne,
nga tongana a kiri tënë na sambela ti mbi pëpe,
14 mbi yeke tambela na vundu tongana zo so atoto kuâ ti kamarade wala ita ti lo;
mbi kuku na vundu na bê tongana zo so atoto kuâ ti mama ti lo.
15 Me tongana mbi pika gere ti mbi, terê ti ala anzere nga ala bungbi ndo oko;
ala bungbi ndo oko, ala honde terê ti ala ti ku hongo ti mbi si ala pika mbi na sese;
ala suru yâ ti mbi kete kete, na ala ngbâ gï ti diko tënë na terê ti mbi.
17 Jéhovah, juska lawa la mo yeke ngbâ ti bâ mbi gï bango na lê?+
Zi mbi* na tïtî azo so ayeke tiri na mbi;+
zi fini ti mbi, so ayeke kota ye mingi,* na maboko ti abamara so akono awe.*+
18 Na pekoni, mbi yeke kiri singila na mo na yâ ti kota congrégation;+
mbi yeke sepela mo na popo ti gbâ ti azo.
19 Zia pëpe si terê ti azo so ake mbi senge senge anzere ndali ti ye so asi na mbi;
zia pëpe si azo so ake mbi gï senge senge+ asara lê na mba na terê ti mbi.+
20 Atënë ti siriri asigi na yanga ti ala pëpe;
me ala leke ti sara ye na mayele na terê ti azo ti kodro ni so aye siriri.+
21 Ala zi yanga ti ala kota ti bi tënë na li ti mbi,
ala tene: “Wala! Lê ti e abâ ni awe.”
22 Jéhovah, ye so asi so, mo bâ ni awe. Ngbâ ti duti kpô pëpe.+
Jéhovah, duti yongoro na mbi pëpe.+
23 Zingo, londo mo gbu koko ti mbi,
Jéhovah, Nzapa ti mbi, gbu koko ti mbi na gbele ngbanga.
24 Jéhovah, Nzapa ti mbi, fâ ngbanga ti mbi alingbi na mbilimbili ti mo;+
zia pëpe si terê ti ala anzere ndali ti ye so asi na mbi.
25 Mbi ye si ala tene lâ oko pëpe: “Wala! Ye so e ye so, e wara awe!”
Zia si ala tene lâ oko pëpe: “E mene lo awe.”+
26 Zia si kamene asara ala kue nga a bi nengo ti ala na sese,
ala so terê ti ala anzere ndali ti ye ti ngangu so awara mbi.
Zia si kamene agbu azo so asuku terê ti ala na ndö ti mbi, nga nengo ti ala atï na sese.
27 Zia si azo so bê ti ala anzere ndali ti mbilimbili ti mbi adekongo na ngia;
zia si lakue ala tene:
“Zia si a gonda kota ti Jéhovah, lo so bê ti lo anzere ti bâ siriri ti wakua ti lo.”+