Ésaïe
29 “Mawa na Ariel!* Ariel, gbata so David asara camp lani dä!+
Mo gbata ti Ariel, ngu na ngu,
zia azo ti mo angbâ gï ti sara amatanga ti ala.+
2 Me mbi yeke ga na ye ti vundu na ndö ti gbata ti Ariel.+
Azo ni ayeke sara ande vundu nga ala dema na vundu,+
nga na lê ti mbi, lo yeke ga ande tongana lê ti gbalaka.+
3 Mbi yeke sara ande camp angoro terê ti mo kue;
mbi yeke sara gbagba ti akeke so yanga ni ayeke tongana likongo angoro terê ti mo kue,
nga mbi yeke mû sese ti monté ni ti tene aga koto na terê ti mo.+
4 Mo yeke tï ande ngangu;
mo yeke lango na sese si mo sara tënë,
nga fuku ti sese ayeke sara si tënë ti mo asigi nzoni pëpe.
Go ti mo ayeke londo na yâ ti sese so mo lango dä si asigi+
tongana go ti zo ti sarango tënë na yingo ti akuâ,
nga mo yeke diko gbâ ti tënë na gbe ti go ti mo na yâ ti sese.
5 Gbâ ti awato* ti mo ayeke ga ande tongana fuku ti ye,+
gbâ ti azo so ayeke komande na ndö ti mo na ngangu ayeke ga ande tongana saleté ti lê ti kobe so pupu ahon na ni.+
Ye ni ayeke si ande gï hio tongaso.+
6 Mbi, Jéhovah ti aturugu, mbi yeke bi lê ti mbi na ndö ti mo
na lege ti abekpa, yengingo ti sese nga na kota bruit,
na lege ti kota pupu ti ngu-nzapa nga na kota wâ so ayeke gbi aye.”+
7 Na pekoni, gbâ ti azo ti amara kue so aga na bira na terê ti gbata ti Ariel+
ayeke hon tongana bango li, tongana vision so zo abâ na bï.
Même azo kue so alondo na bira na terê ti lo,
aye ti bira so ayo na nduzu tongana atour so a ga na ni na terê ti lo
nga na azo so aga na ye ti vundu na lo, ala kue ayeke hon gï tongaso.
8 A yeke duti tongana mbeni zo so nzara asara lo, na lo bâ li ti lo so lo yeke te ye,
me na ngoi so lo zingo na lango, nzara ahon ndö ti lo.*
A yeke tongana mbeni zo so nzara ti ngu ahon ndö ti lo, na lo bâ li ti lo so lo yeke nyon ngu,
me tongana lo zingo, lo fatigué nga nzara ti ngu ahon ndö ti lo.*
A yeke ye so ayeke si ande na gbâ ti azo kue ti amara so
alondo na bira na terê ti Hoto ti Sion la.+
9 Zia li ti ala akpe kue nga bê ti ala adö;+
zia ala wani asara si lê ti ala avuko si ala bâ ndo pëpe.+
Ala soulé, me a yeke pëpe vin la asoulé ala;
ala tambela kirikiri, me a yeke pëpe sämba la asara ala.
10 Jéhovah asara si yingo ti kota lango atï na ndö ti ala;+
ala aprophète,+ lo kanga lê ti ala,
nga ala azo so ayeke fa peko ti avision, lo bi mbeni ye tongana bongo na li ti ala.+
11 Na lê ti ala, avision kue ayeke tongana atënë ti mbeti so a kpo nzoroko dä.+ Tongana ala mû ni na mbeni zo so ahinga ti diko mbeti si ala tene na lo, atene: “Pardon, diko mbeti so na kota go,” lo yeke tene ande, lo tene: “Mbi peut ti diko ni pëpe, ndali ti so a kpo nzoroko dä.” 12 Tongana ala mû mbeti ni na mbeni zo so ahinga ti diko mbeti pëpe, si ala tene na lo: “Pardon, diko mbeti so,” lo yeke tene ande, lo tene: “Mbi hinga ti diko mbeti pëpe.”
13 Jéhovah atene: “Azo so aga nduru na mbi gï na lege ti tënë ti yanga ti ala
nga ala gonda mbi gï na yanga ti ala senge,+
me bê ti ala ague yongoro mingi na mbi;
ala kpe mbeto ti mbi gï ndali ti so acommandement so alondo na azo la ayeke fa na ala ti sara tongaso.+
14 Tongaso, mbi yeke kiri ti sara aye so asara si li ti azo so akpe kue.+
Mbi yeke sara ni na ndö ti terê, na ndö ti terê.
Mbi yeke sara ande si ndara ti awandara afuti,
nga a yeke honde hingango ndo ti azo ti ala so asara ye na hange mingi.”+
15 Mawa na azo so ague ayo ti honde na Jéhovah aye so ala leke ti sara.*+
Ala sara akusala ti ala na ndo so ayeke na yâ ti vukongo ndo,
na ala tene: “Zo wa la ayeke bâ e zo wa?
Zo wa la ahinga ye so e yeke sara so zo wa?”+
16 Ala hinga ti ba yâ ti tënë!*
A lingbi ti haka zo ti lekengo ta na popoto ti sarango na ta?+
Ye so a leke ni lekengo alingbi ti tene na ndö ti zo so aleke lo, atene:
“Lo la lo leke mbi ape”?+
Ye so a leke ni lekengo ayeke tene na ndö ti zo so aleke lo, atene:
“Lo hinga ndo ape”?+
17 Gï na yâ ti ngoi kete, kodro ti Liban ayeke ga tongana yaka so a lu na yâ ni akeke so a yeke te lê ni,+
nga a yeke bâ yaka so tongana gbako.+
18 Na ngoi ni so, azo so mê ti ala akanga ayeke mä tënë ti yâ ti mbeti so,
nga awaziba so ayeke na yâ ti ndo so avuko nga na ti so avuko pitipiti ayeke sigi, na ala yeke bâ ndo.+
19 Azo so abâ terê ti ala kete ayeke duti ande na ngia mingi ndali ti Jéhovah,
nga terê ti awayere so ayeke na popo ti azo ayeke nzere mingi ndali ti Nzapa ti Israël so ayeke nzoni-kue,+
20 ndali ti so zo so ayeke komande na ngangu ayeke duti dä encore ape,
zo ti pikango kate ayeke kui
nga a yeke futi azo kue so agbanzi lango na lê ti ala gï ti sara ye ti sioni.+
21 Lo yeke futi azo so atene mvene ti bi tënë na li ti zo,
azo so azia akûkû ti gbu na azo so ayeke gbu koko ti zo* na yanga ti gbagba ti gbata+
nga na azo so ayeke tene atënë so agbu ngu pëpe ti sara si a fâ ngbanga ti zo ti mbilimbili na lege ni pëpe.+
22 Ni la Jéhovah so azi Abraham+ atene na ahale ti Jacob:
23 Tongana lo bâ amolenge ti lo na terê ti lo,
amolenge ti lo so ayeke kusala ti maboko ti mbi,+
ala yeke sara si iri ti mbi aga nzoni-kue;
ala yeke gonda Nzapa ti Jacob so ayeke nzoni-kue,
nga ala yeke sara mbeto ti Nzapa ti Israël.+
24 Ala so apensé ti ala ayeke kirikiri ayeke hinga ande ndo,
nga azo so adema terê ti ala ayeke yeda ti sara ye so a fa na ala.”