Psaume
Na mokonzi ti azo ti pikango mozoko; ti Jéduthun.*+ Bia ti David.
Na ngoi kue so zo ti sioni ayeke na terê ti mbi,
mbi yeke sara ye mo bâ mo tene mbi kanga yanga ti mbi+ na bongo.”
2 Mbi duti kpô, mbi zi yanga pëpe;+
mbi zi yanga pëpe même na ndö ti ye so ayeke nzoni,
me ye ason mbi lani ngangu.
Na pekoni, mbi sara tënë, mbi tene:
4 “Jéhovah, mû maboko na mbi ti hinga wala gigi ti mbi ayeke hunzi tongana nyen,
nga ti hinga lango oke si angbâ na mbi,+
si mbi hinga so gigi ti mbi ayeke ninga pëpe.*
5 Biani, mo sara si alango so mbi sara ayeke mingi pëpe;+
alango so mbi ngbâ na fini ayeke ye oko pëpe na gbele mo.+
Ti tâ tënë ni, zo kue ayeke gï mbeni senge pupu,+ atâa so lo bâ so lo duti nzoni. (Sélah)
6 Zo kue ayeke tambela na ando nde nde tongana gbe ti dê.
Lo yeke sara aye na loro* gï senge senge.
Lo bungbi gbâ ti amosoro, sân ti hinga zo wa la ayeke bâ ande nzoni dä.+
7 Tongaso Jéhovah, nyen la mbi lingbi ti ku ti wara ni?
Gï mo oko la mbi ku mo.
8 Sö mbi na yâ ti akengo ndia ti mbi kue.+
Zia pëpe si zo ti buba asara si mbi ga ye ti hengo ni.
9 Mbi duti kpô, mbi zi yanga pëpe;
mbi peut ti zi yanga ti mbi pëpe,+
ndali ti so mo la mo sara si ye ni asi.+
10 Zi ye ti ngangu so mo ga na ni na ndö ti mbi.
Mbi woko kue ndali ti so mo pika mbi na maboko ti mo.
11 Mo punir zo ndali ti faute ti lo si lo kiri na nzoni lege.+
Tongana ti so makongo ti tengo bongo ayeke sara, mo buba aye so ayeke aye ti ngere na lê ti lo.
Ti tâ tënë ni, zo kue ayeke gï senge pupu.+ (Sélah)
12 Jéhovah, mä sambela ti mbi,
mä toto so mbi toto ti hunda mungo maboko.+
Sara sanka ti ngu ti lê ti mbi pëpe.
Na lê ti mo, mbi yeke gï wande,+
mbeni zo so asara tambela na ayeke hon ti lo hongo,* tongana ti akotara ti mbi kue.+
13 So mo kpengba lê ti mo so, tourné ni yongoro na mbi, si mbi wara ngia
kozoni si mbi hon ti mbi, na mbi yeke dä encore ape.”