Psaume
Psaume ti David. Maskil.*
32 Ngia ayeke na zo so a pardonné kengo ndia ti lo awe, so a kanga ndö ti siokpari ti lo awe.+
2 Ngia ayeke na zo so Jéhovah abâ so tënë ayeke na li ti lo pëpe,+
na so bibe ti handango zo ayeke na yâ ti lo pëpe.
3 Na ngoi kue so mbi zi yanga pëpe, bio ti mbi awoko kue ndali ti so mbi dema na yâ ti alango ni kue,+
Ngangu ti mbi ahunzi kue, tongana ti so ngu ahule na ngoi ti ndowa. (Sélah)
Na ngoi ni so, même angu so asuku amû ndo ayeke si na lo pëpe.
Mo yeke sara si dekongo ti ngia ti salut ti mo angoro mbi kue.+ (Sélah)
8 Mo tene: “Mbi yeke sara si mo hinga ti bâ yâ ti aye nzoni nga mbi yeke fa na mo lege so a lingbi mo mû ni.+
Mbi yeke mû na mo wango, na lê ti mbi ayeke gï na ndö ti mo.+
9 Sara ye pëpe tongana mbarata wala vuko kororo* so ahinga ndo pëpe,+
so a hunda ti tene a zia kamba na yanga ti lo si lo luti
nga kozoni si lo ga nduru na mo.”
10 Apasi ti zo ti sioni ayeke mingi;
me zo so azia bê ti lo na ndö ti Jéhovah, Lo yeke sara si tâ ndoye ti Lo angoro zo ni kue.+
11 Ala azo ti mbilimbili, ala duti na ngia ndali ti Jéhovah nga ala sara ngia!
Ala azo so bê ti ala avuru, ala dekongo na ngia!