Psaume
Psaume ti David.
א [Aleph]
37 Zia bê ti mo ason pëpe* ndali ti azo ti sioni
wala mo sara bê pëpe na terê ti azo so ayeke sara aye ti sioni.+
ב [Beth]
ג [Guimel]
6 Lo yeke sara si mbilimbili ti mo asu tongana lumière ti ndapre,
nga sarango ye ti mo na lege ni asu tongana lâ ti midi.
ד [Daleth]
Zia bê ti mo ason pëpe ndali ti zo so,
na mayele, asara si aye ti lo aga nzoni.+
ה [Hé]
8 Zia lege ti ngonzo nga zia si ngonzo ahon ndö ti mo pëpe;+
zia bê ti mo ason pëpe si mo komanse ti sara ye ti sioni,*
9 ndali ti so a yeke futi azo ti sioni,+
me azo so angbâ ti ku Jéhovah, sese ayeke ga ye ti ala.+
ו [Waw]
10 Na yâ ti kete ngoi, azo ti sioni ayeke duti dä encore ape;+
mo yeke bâ ande place so ala yeke lani dä,
me ala yeke duti dä encore ape.+
11 Me azo so asara terê ti ala kete, sese ayeke ga ye ti ala,+
na ala yeke duti na ngia mingi na yâ ti siriri so amû ndo.+
ז [Zaïn]
12 Zo ti sioni aleke ti sara sioni na zo ti mbilimbili,+
lo te pembe na terê ti lo.
13 Me Jéhovah ayeke he lo,
ndali ti so Lo hinga so lango ti futingo lo ayeke ga.+
ח [Heth]
14 Azo ti sioni asigi na épée ti ala nga ala gboto yâ* ti kokora ti ala
ti kinda azo so a sara pasi na ala nga na awayere,
na ti fâ azo so lege ti ala ayeke mbilimbili.
15 Me épée ti ala ayeke lï bê ti ala wani,+
nga yâ ti akokora ti ala ayeke fâ.
ט [Teth]
16 Kete ye ti zo ti mbilimbili
ayeke nzoni ahon aye mingi ti gbâ ti azo ti sioni.+
17 A yeke kungbi yâ ti maboko ti azo ti sioni,
me Jéhovah ayeke mû maboko na azo ti mbilimbili.
י [Yod]
18 Jéhovah ahinga aye so ayeke si na* azo so tënë ayeke na li ti ala pëpe,
na héritage ti ala ayeke ngbâ lakue.+
19 A yeke bi kamene na lê ti ala pëpe na ngoi ti ye ti ngangu;
na ngoi ti kota nzara, ala yeke duti na gbâ ti ye.
כ [Kaph]
20 Me azo ti sioni ayeke kui,+
awato ti Jéhovah ayeke girisa tongana apendere ndo ti tengo pere;
ala yeke girisa tongana guru ti wâ.
ל [Lamed]
21 Zo ti sioni amû bon me lo kiri na ni pëpe,
me maboko ti zo ti mbilimbili awoko na mungo ye,* nga lo yeke mû ye.+
22 Azo so Nzapa airi tënë nzoni na ndö ti ala, sese ayeke ga ye ti ala;
me azo so Lo deba ala, a yeke futi ala.+
מ [Mem]
24 Atâa so zo ni apeut ti tï, lo yeke ngbâ na sese pëpe tongana ti zo so a bi lo na sese ngangu,+
ndali ti so Jéhovah amû maboko na lo na gbungo maboko ti lo.+
נ [Noun]
25 Mbi yeke ândö maseka, na fadeso mbi yeke mbakoro,
me mbi bâ pëpe mbeni zo ti mbilimbili so Nzapa adö lo azia,+
26 Lo yeke lakue nduru ti mû ye na zo na bon,+
na amolenge ti lo ayeke ku ti wara tufa.
ס [Samek]
27 Zia lege ti sioni na mo sara ye ti nzoni,+
na mo yeke ngbâ na fini lakue lakue.
ע [Aïn]
פ [Pé]
צ [Tsadé]
32 Lê ti zo ti sioni ayeke na terê ti zo ti mbilimbili,
lo yeke gi ti fâ lo.
33 Me Jéhovah ayeke zia lo pëpe na maboko ti zo ni,+
nga na ngoi so lo yeke fâ ngbanga ti lo, lo yeke tene pëpe so tënë ayeke na li ti lo.+
ק [Qoph]
34 Ku Jéhovah, na tambela na ndö ti lege ti lo,
na lo yeke yâa mo na nduzu si sese aga ti mo.
Na ngoi so a yeke futi azo ti sioni,+ mo yeke bâ ni.+
ר [Resh]
35 Mbi bâ zo ti sioni so abâ mawa ti zo pëpe,
lo mû ndo tongana keke so amaï pendere na ndo so lo sigi dä.+
ש [Shin]
37 Zia lê ti mo na ndö ti zo so tënë ayeke na li ti lo pëpe*
nga zia lê ti mo angbâ na terê ti zo ti mbilimbili,+
ndali ti so kekereke lo yeke duti na siriri.+
38 Me a yeke futi azo ti kengo ndia kue;
a yeke futi ande azo ti sioni.+
ת [Taw]
39 Salut ti azo ti mbilimbili alondo na Jéhovah;+
lo yeke ngangu gbagba ti batango ala na ngoi ti vundu.+
40 Jéhovah ayeke mû maboko na ala nga lo yeke sö ala.+
Lo yeke zi ala na tïtî azo ti sioni na lo sö ala,
ndali ti so ala kpe na mbage ti lo ti bata terê ti ala.+