POINT 15

Sara tënë na bê ti mo kue

1 aThessalonicien 1:5

NA NDURU TËNË: Fa so mo mä na bê biani na tâ tënë nga aye so mo yeke fa so ayeke kota ye mingi.

Leke terê ti mo nzoni. Manda ye ni nzoni juska ti tene mo mä yâ ti akota tënë ni nga mo hinga tongana nyen la ye so Bible afa tënë ni so ayeke tâ tënë. Gi ti fa akota tënë ti devoir so a mû na mo na mbeni fason so akpengba ape. Pensé mingi na ndö ti lege so devoir ti mo ni ayeke aidé azo so ayeke mä mo. Sambela ti wara yingo vulu.

Tara peko ti devoir ti mo na kota go juska aduti polele na yâ ti li ti mo, nga yanga ti mo ayapu na ni.
Tene atënë so afa so mo sara tënë na bê ti mo kue. Sara tënë na fason ti mo wani ahon ti diko gï peko ti atënë so ayeke na lê ti mbeti. Sara tënë na mbeni fason so afa so mo yeke sûr na tënë so mo yeke tene.
Sara tënë biani na bê ti mo kue. Zia si go ti mo atoto na nduzu nzoni. Tongana a son bê ti azo ape, gi ti bâ lê ti azo so ayeke mä mo.

Kangbi ayeke na popo ti sarango tënë na bê kue na sarango ye na nengo zo pëpe, lutingo nganganga na ndö ti bango ndo ti mo wala ti gbu zo na ngangu ti mä mo. Même tongana mo yeke sara tënë na bê ti mo kue, sara ye na azo na nzoni bê.