(A londo na km10/01 ti Bê na Do ti Afrika)
“Mbi Lingbi ti Hunda Mungo Maboko na Kodoro-wande?”
1 Ngoi na ngoi, ambeni wafango tene ayeke sû mbeti na afiliale ti aTémoin ti Jéhovah ti akodoro-wande ti hunda mara ti atene nde nde. Na tapande, ambeni ahunda ti wara azo so ala lingbi sû mbeti na ala lakue, azo so ala lingbi sala mariage na ala, akasete ti mango ni wala akasete-vidéo, wala même ti sala bon ti nginza. E ye si zo oko oko ahinga so afiliale alingbi pepe ti kiri tene na mara ti ahundango ye tongaso.
2 Société Watch Tower ayeke pepe mbeni bungbi ti dengo buze. Lo yeke wara pata ti lo na lege ti azo na ndo sese kue so amu anginza tongana offrande gi ti tene a fa tene ti Royaume ti Nzapa na azo kue so ayeke na ndo sese. (Mat. 24:14) A yeke ndali ni si a mu a-offrande so kue ti sala na kusala ti fango tene, na tongaso a lingbi pepe ti mu ni na azo na bon.
3 Ngoi na ngoi ambeni zo asû même mbeti na azo ti kodoro-wande so ala hinga ala oko pepe ti hunda mungo maboko na lege ti mitele. Ambeni zo so ayeke na nginza pepe ague même na kodoro-wande wala na ambeni kota gbata, na kungo ti tene aita ti kodoro wala ti gbata so ala ye ti sala kodoro dä amu maboko na ala. Fade e yeke tene so “ngoi ti kpale na ti ngangu” ayeke si gi na e pepe na ambeni zo, so a ba nga aita ti e ti yingo na ambeni mbage ti sese?—2 Tim. 3:1, NW.
4 Kongregation ti aChrétien aleke mbeni ye ti mu maboko na azo na popo ti e so ye atia ala wala so ye ti ngangu ti ndagigi asi na ala. A fa nda ti lekengo ye so na alembeti 122-123 ti buku Organisés pour bien remplir notre ministère. Tongaso, a yeke na lege ni oko pepe ti sû mbeti na akongregation nga na afiliale ti kodoro-wande ti hunda mungo maboko.
5 Nga, a-adresse ti akongregation wala ti azo so asala abonema so ayeke na yâ ti a-dossier ti filiale ayeke pepe teti lê ti azo kue, tongaso a lingbi pepe ti mu ala na azo so aye ti wara ambeni zo ti sû asenge mbeti lakue na ala wala so agi ambeni zo ti sala mariage na ala. Tongana mo yeke gue na mbeni kodoro-wande, mo lingbi ti sû mbeti na filiale ti kodoro so na ti hunda adresse nga na angbonga ti abungbi ti Da ti Royaume so ayeke ndulu na ndo so mo yeke gue dä. Tongana e sala ye alingbi na afango lege so, e yeke buba pepe ngoi mingi na gbâ ti kusala.—1 aCor. 14:20.