Fango Tene: Na Nda ti Sese Kue

Zo wa alingbi peut-être ti ba kasete-vidéo Jusqu’aux extrémités de la terre fani mingi? Ala so azia na ngbele ala ti ga amissionnaire. Ngbanga ti nyen? Ti hinga nzoni ala mveni Guiléad, Ekole ti fango nda ti Bible ti Société Watchtower. Kasete-vidéo ni a gboto lê na ndo matanga ti ngu 50 ti oko ekole so a leke ni ti kono kusala ti fango tene “na nda ti sese kue.” (Ps. 22:28 [Ps.22:27, NW]) Bango kasete-vidéo so ayeke maï ande bango na nene ni kota kusala ti fango nzo tene na ayeke pusu mo ande ti kono kusala ti mo. Ba mbilimbili atene so: (1) Na kozo mbage ti angu so alondo na ngu 1940, ye wa aga kota ye so bungbi ti Jéhovah abi bê dä? (Kus. 1:8) (2) Na ngu 1942, kpengba prophétie ti Bible wa ayeke ga tâ tene, na tongana nyen bango ndo ti e ayeke nde na ti azo ti sese? (Apoc. 17:8; wF89 15/4 l. 14, par. 12) (3) Aye wa a leke la ni ti wara nzoni na lege ti ngoi ti siriri so a yeke ku na peko ti Use Bira so Amu Sese Kue? (jv l. 522 apar. 1-2) (4) Alengo wa ti a-élève ti kozo klasse ti Ekole ti Guiléad agbu bê ti mo? (5) Na yâ akozo ngu 50 ti Guiléad, a-élève oke awara kota mbeti ti ala, na akodoro so a tokua ala dä ayeke oke? (6) Konongo ti fango lege ti Bible so a-élève ni awara biani ayeke tongana nyen? (7) Ye nyen asala si mbeni missionnaire ayeke na kode na aga wafango Tene ti Nzapa? (8) Fini ti mbeni missionnaire ayeke tongana nyen, na akpale wa a lingbi lo luti na gbele ni? (9) Tongana nyen amissionnaire aba lege ti fini ti ala, na mbilimbili ngia wa aga na peko ti so ala gbanzi ye na tele ti ala mveni? (10) Ye wa amissionnaire saki mingi asala awe juska fadeso? Mu atapande. (11) Aye wa apika bê ti mo tongana mo ba aita-koli na aita-wali so ague ti fa tene juska “na nda ti sese kue”? (12) Tapande so amissionnaire azia awa mo ti sala nyen, na ngbanga ti nyen?