Ye ti Tene na ndo Apériodique

Tour ti Ba Ndo 15 déc.

“Na ngoi ti ngu so, azo mingi abi bê na ndo Jésus Christ, atä ala mä na bê na lo wala pepe. Ti ambeni, lo yeke pepe mbeni zo biani. Bango ndo ti mo ayeke tongana nyen? [Na peko ti kiringo tene ti lo, diko Matthieu 16:15, 16.] Mbi hinga biani so mo yeke wara ande ngia na dikongo article so na ndo ‘Zo so Jésus ayeke Biani’ ti ba tongana nyen lo yeke sala ngangu na ndo mo laso nga na ndo gigi ti mo ti kekereke.”

Réveillez-vous! 22 déc.

“Mo yeke yeda pepe so ti sala si fini aduti na sioni pepe, a lingbi e wara nzoni kobe so aga na kpale pepe? [Zia lo kiri tene.] Ba ye so Nzapa azê la ni na mara ti lo na ngoi so a sû na Bible. [Diko Lévitique 26:4, 5.] Réveillez-vous so asala tene na ndo agingo bê so ayeke laso na ndo kobe ti e. Lo fa nga mbeni ngoi so fade Nzapa asala si e yeke wara ande nzoni dutingo na ndo sese kue.”

Tour ti Ba Ndo 1 jan.

“Mo yeke hunda tele ti mo ngbanga ti nyen a ba so ambeni zo ayeke na fini so akpengba pepe na ngoi so ambeni nde ayeke tiri ti wara ni? Bible ayeke na mbeni tene ti tene na ndo ni. [Diko Job 34:19.] Périodique so afa tongana nyen Nzapa aleke na bê ti lo ti lungula kangbi na popo ti abungbi ti azo.”

Réveillez-vous! 8 jan.

“E kue e hinga ye na ndo kota kpale so ayengi sese kue. Ngbele ye na peko ti aye so asi, azo ayeke na nzala ti dengo bê nga na mungo maboko ti kota ahon. Article so, na popo ti ambeni, ayeke fa ye so aTémoin ti Jéhovah ayeke sala ti mu maboko na azo so angbâ na fini na yâ akpale so, azo so ayeke ndulu ti mu maboko fade fade, nga azo so aglisa sewa ti ala na yâ kui.”