Kapa ti Bungbi ti Kusala
Kete tënë: Na ngoi ti salango akota bungbi ti district, a yeke wara ande na yâ Kusala ti Royaume programme ti Bungbi ti Kusala teti yenga oko oko kue. Akongregation alingbi ti gbian aye na yâ ni alingbi na ni ti mû lege na azo ti gue na Kota Bungbi ti District “Tambela na Nzapa”. Na ndangba Bungbi ti Kusala kozo ti gue na kota bungbi ni, tongana a lingbi, i mû apenze-ngbonga 15 ti bâ akota wango so a mû na yâ supplément ti nze ti avril 2004, so alingbi na kongregation ni. Na yâ nze ti février 2005, fade a yeke leke yâ ti mbeni Bungbi ti Kusala kue ti dabe na angbongboro mbage ti programme ti kota bungbi ni. Ti leke tele teti lisoro so, a lingbi zo kue na popo ti e amû note nzoni na ngoi ti kota bungbi ni. E lingbi ti sû nga molongo ti ambilimbili kota tënë so e mveni e ye ti sala na kusala na yâ fini ti e nga na yâ kusala ti fango tënë. Na pekoni e lingbi ti mû ngangu na ambeni zo na fango na ala tongana nyen e sala ye alingbi na awango ni ngbele ye na ngoi so e gue na kota bungbi ni.
Yenga ti 11 octobre
Bia 219
pn 12: Akete tënë na atokua ti Kusala ti Royaume so alingbi. Dabe ti awafango tënë so ambeti so ayeke fa na nze ti octobre ayeke Tour ti Ba ndo na Réveillez-vous! Sala kusala na awango ti lembeti 8 na yâ démonstration ti fa tongana nyen ti fa afini Tour ti Ba Ndo na Réveillez-vous! I bâ Atënë so i hunda.
pn 13: Wara ngia na mungo maboko na azo (Jean 4:34). Hundango tënë na azo. A yeke ye ti ngia ti bâ lê ti mbeni zo so aza teti tâ tënë ti Mbeti ti Nzapa so lo manda (wF94 1/3 l. 29 par. 6-7). Hunda tënë na awafango tënë use wala ota, wala apionnier so asala kua na Bible nzoni na yâ fango tënë na ala to nda ti amandango Bible. Tongana nyen ala maï nzara ni na yâ bê ti azo so ala wara ala? Ngia wa ala wara na salango tongaso? Ala yeke fa wala ala haka peko ti aye so asi na yâ fango tënë ti ala.
pn 20: “E sala kusala na apériodique ti kangbi nzo tënë na azo.” Lisoro na kongregation. Yôro na yâ ni démonstration oko wala use so afa salango ye alingbi na awango ti paragraphe 3 na 4.
Bia 69 na sambela ti nda ni.
Yenga ti 18 octobre
Bia 127
pn 5: Akete tënë.
pn 20: Zia e bungbi ti gonda iri ti Lo. Diskur so mbeni ancien amû na so aluti na ndo Kusala ti Royaume ti avril 2004, lembeti 3-4. Sala tënë nzoni na mû wâ na zo. Sala si ye ni alingbi na ndo so i yeke dä. Gboto lê na ndo akota tënë ti encadré ni. Yôro na yâ ni atënë ti article “Kobe ti yingo na tâ ngoi ni” so a wara ni na yâ oko Kusala ti Royaume so.
pn 20: Duti nzoni-kue na yâ tambela ti mo kue. A luti na ndo Kusala ti Royaume ti avril 2004, lembeti 5-6. Nga, i sala lisoro na ndo article “Yungo bongo so alingbi na gonda na so ayeke na sioni oko pëpe” ti oko Kusala ti Royaume so.
Bia 165 na sambela ti nda ni.
Yenga ti 25 octobre
Bia 56
pn 12: Akete tënë. Tënë ti acompte. Na salango kusala na awango ti lembeti 8, i sala démonstration use ti fa kode ti fango afini Tour ti Ba Ndo na Réveillez-vous! Na yâ adémonstration ni, fa alege nde nde ti hon ndo ti tënë ti kangango lege na lisoro so: “Tënë ti aTémoin ti Jéhovah anzere na mbi pëpe.”—Bâ brochure Lege ti To Nda Na ti Ngbâ ti Sala Alisoro na ndo Bible, lembeti 9-10.
pn 15: Bezoin ti kongregation.
pn 18: Fa atënë so amû ngangu na Tënë ti Nzapa. Lisoro na kongregation na ndo buku Ekole ti Kusala, lembeti 256-257. Tongana nyen e lingbi ti mû atënë so ambeni zo nde asala na kusala ti mû lege na azo ti hinga biani so ye so Bible afa ayeke na lege ni? Tisa azo ti sala tënë na ndo ahundango tënë so: Atapande wa so lê ti zo abâ na yâ dunia e lingbi ti mû ti fa polele so Wasalango ye ayeke dä biani? (rs l. 73-74). Tongana nyen e lingbi ti mû atënë ti awagingo nda ti ye wala ti awakode ti mû maboko na azo ti bâ biani so Bible ayeke Tënë ti Nzapa? (rs l. 55-57). Tapande wa wala hakango ye wa e lingbi ti mû ti mû maboko na azo ti bâ ngbanga ti nyen Nzapa azia lege na pasi? (rs l. 239). Ye wa so asi wala atapande wa mo sala kusala na ni kozo awe ti mû maboko na azo ti bâ so a yeke lege ti ndara ti mû peko ti wango ti Bible?
Bia 62 na sambela ti nda ni.
Yenga ti 1 novembre
Bia 15
pn 10: Akete tënë. Dabe ti awafango tënë ti bi rapport ti ala. Na nze ti novembre, fade e yeke fa Mä Kota Wafango ye. I kiri i bâ hio awango teti fango buku ni na yâ Kusala ti Royaume ti mai 2004, lembeti 3, na i sala démonstration na ndo oko ti afango ye ni. Tongana mbeni kode nde ayeke dä so asala kusala nzoni na yâ territoire ti i, a lingbi ti sala tënë na ndo ni na a sala démonstration dä. Tongana ngoi angbâ, tisa kongregation ti fa tongana nyen lo sala kusala na mbeti so na fango tënë.
pn 15: “Ti gue da na da aga na aye ti nzoni na zo.” Na paragraphe 3 ti article so, hunda na azo so aga ti fa ye so asi na ala so ague oko na atënë so a fa na yâ ni. Sala si lisoro ni amû maboko na apusu zo ti mû mbage mingi na fango tënë da na da.
pn 20: “E sala kangbi pëpe na yâ fango tënë ti e.” Fa ambage ti tënë ni so alingbi mbilimbili na territoire ti i. Fa so a lingbi ti sala kua na formulaire (S-43) ni gi teti azo so e tingbi na ala, so asala nzara ti tënë ni, me so alango na yâ territoire ni pëpe. Zo so amû li ni nga tongana lege ayeke dä, awafango tënë kue, a lingbi ala wara mbeni formulaire (S-43) ni oko na ngoi so a yeke fa tongana nyen ti sala kua na ni.
Bia 175 na sambela ti nda ni.