Ye ti tene na ndo apériodique

Réveillez-vous! 8 nov.

“Na ndo ti sese mobimba, mbeni kota kangbi ayeke na popo ti azo ti mosoro nga na awanzinga. Ti mo, mbeni ye ayeke dä so a lingbi ti sala ni ti zi kota kangbi so? [Zia zo ni akiri tënë. Na pekoni, diko Matthieu 6:9, 10.] Périodique so afa ngbanga ti nyen e lingbi ti duti na beku so biani Royaume ti Nzapa ayeke zi ande akota kangbi so ayeke ga na kpale na popo ti azo laso.”

Tour ti Ba Ndo 15 nov.

“Mingi ti azo ayeke hunda tele ti ala ngbanga ti nyen akpale ti azo ayeke hunzi pëpe, me angbâ gi lakue ti gue na li ni. Mo gbu li ti mo lâ oko awe na ndo ye so versê so atënë ti fa ngbanga ti nyen aye ni ayeke tongaso? [Diko Apocalypse 12:9 na zia zo ni akiri tënë.] Périodique so asala tënë na ndo amayele so Zabolo ayeke mû ka ti handa na azo, na a fa nga tongana nyen ti hon ndo ti angangu so lo yeke sala na ndo ti e.”

Réveillez-vous! 22 nov.

“Atâa so sese ayeke lë gbâ ti kobe so alingbi na azo kue, mingi ti azo ayeke te ye nzoni pëpe. So ayeke tâ ye ti mawa la pëpe? [Zia zo ni akiri tënë.] Périodique so asala tënë ti kpale ti kobe so ayeke si na gbâ ti akodoro laso. A sala nga tënë na ndo zendo ti Bible ti mbeni sese so zo ayeke wara ande kpale ti kobe dä oko pëpe.” Diko Psaume 72:16a.

Tour ti Ba Ndo 1 déc.

“Tongana azo amä tënë ti ‘Harmaguédon’, ye so ayeke ga kozo na li ti ala ayeke tënë ti mbeni kota futingo ti aye na sese, so azo mingi ayeke wara kuâ dä. [Fa encadré so ayeke na lembeti 3.] A yeke dö bê ti mo pëpe ti hinga so Harmaguédon ayeke ga ande na aye ti nzoni mingi na e? [Zia zo ni akiri tënë.] Périodique so asala tënë na ndo ni.” Diko 2 Pierre 3:13.