Akota ye so a sara na fango tënë

République Centrafricaine ato nda ti ngu ti kusala 2010 nzoni. Na ngu ni so awafango tënë 112 aga na ndo ti wungo ti awafango tënë kue ti ngu ti kusala 2009. Na mars 2010, awafango tënë 2529 ti kodoro ni kue asara a-étude 5 546. Na hunzingo ti ngu ti kusala so ahon, sewa ti Béthel ague na yâ ti afini da ti Béthel so aita so alondo na akodoro nde nde so wungo ti ala ayeke 26 aleke ni. A kiri ti leke ngbene da ti Béthel ni tongaso si peut-être na nze ti avril 2011 alingbi ti sara kusala na yâ ni.

Na Tchad, a sara na ando mbasambala kota bungbi ti lango oko so mama-tene ni ayeke, “Ngoi so angbâ ayeke mingi pëpe.” Wungo ti azo kue so ague na kota bungbi so asi 1534, wungo so ahon fani use wungo ti awafango tënë kue na yâ ti kodoro ni.

Na Niger, fini wungo ti awafango tënë kue asi 297 na nze ti mars so ahon. Teti so ala hinga so akobe ni “abe awe ti tene a ko ni”, awafango tënë 57 tongaso amû kusala ti ngoi kue. Atanga ti awafango tënë ni oko oko kue asara l’heure 13 na fango tënë.