Ye ti tene na ndo ti apériodique

Tour ti Ba Ndo 1 septembre

“Mbeto asara azo mingi so fade sese ayeke buba wala ayeke futi na lege ti aye tongana bombe atomique wala aye tongana chauffengo ti ndo. Mo pensé so ye tongaso ayeke si ande? [Zia zo ni akiri tënë.] Bâ tënë so Bible atene na ndo ti tënë so. [Diko Apocalypse 11:18.] Mbeti so akiri tënë na ahundango ndo osio so azo ayeke hunda ka na ndo ti futingo ti dunia.”

Réveillez-vous! septembre

Diko Matthieu 5:39. Na pekoni tene: “Mo pensé so Jésus aye ti tene so tongana zo asara sioni na e, e bâ gi lo na lê? [Zia zo ni akiri tënë.] Na lege ti mbeti so, Bible afa ye so zo alingbi ti sara ti bata tere ti lo wani wala na lege ti ndia.” Fa article so ato nda ni na lembeti 10.

Tour ti Ba Ndo 1 octobre

Fa tënë ti mbeni ye so asi na yâ ti kodoro ni. Na pekoni, hunda: “Mo hunda tere ti mo awe ngbanga ti nyen azo ayeke sara mara ti sioni ye tongaso? [Zia zo ni akiri tënë.] Bible amû na e mbeni beku. [Diko 2 Pierre 3:13.] Mbeti so afa tënë so Bible atene na ndo ti aye so ayeke na gunda ti aye ti sioni nga afa tongana nyen Nzapa aga nduru ti futi ni kue kue kue.”

Réveillez-vous! octobre

“E yeke mä ka tënë ti azo so koli ti ala wala wali ti ala asara lango-sioni, so azo ti poroso wala ambeni zo nde ahanda ala. Ti mo, a yeke ngangu fadeso ti wara azo so e lingbi ti zia bê ti e kue na ala? [Zia zo ni akiri tënë.] Azo mingi abâ so aversê so aga tâ tënë laso. [Diko 2 Timothée 3:1-5.] Mbeti so afa ndo so e lingbi ti wara azo so e lingbi ti zia bê ti e kue na ala.”