Fa tënë na mbeto pëpe na ando ti dengo buze
1. Ngbanga ti nyen a yeke nzoni e gi bê ti e pëpe tongana e bâ so fango tënë na ando ti dengo buze ayeke sara mbeto na e?
1 Mbeto ayeke sara mo ti fa tënë na ando ti dengo buze? Tongana a yeke tongaso, gi bê ti mo pëpe, teti so Paul nga, atâa so lo yeke fa tënë lani sân mbeto, a lingbi lani lo ‘zi mbeto na yâ ti lo’ tongaso si lo fa tënë (1 aThes. 2:2). E yeke sara tënë na ndo ti akpale so e yeke wara ka nga na aye so e lingbi ti sara ti hon ndo ni.
2. Ngbanga ti nyen a yeke nzoni e gi bê ti e pëpe so fade e yeke son bê ti azo ti kua ni?
2 Fango yâ ti kua ti azo ni ayeke son ala? Na yâ ti mingi ti ando ti dengo buze azo ti kua ni ayeke mû maboko na azo so ayeke ga na ala hinga so azo ni alingbi ti fâ yâ ti kua ti ala. Mingi ni ala yeke ne mo, ngbanga ti so ala bâ mo tongana mbeni client. Ti yü bongo nzoni nga ti he ngia na azo, a yeke sara si ala yeke sara ye na mbage ti mo na nengo mo.
3. Tongana nyen e lingbi ti sara si bê ti aclient ason pëpe?
3 Mbi yeke fa ande tënë ni na devant ti gbâ ti aclient? Tongana lege ayeke dä, soro mbeni ngoi so azo ayeke mingi na ndo ti ala pëpe, na tapande tongana a zi kpâ. Ku tongana zo so ayeke bâ ndo na ndo ti magasin ni wala zo so ayeke sara kua na yâ ni ayeke gi lo oko si mo ga na tere ti lo. Sara tënë na lo gi nduru.
4. E lingbi ti tene nyen na ngoi so e yeke fa tënë na ando ti dengo buze?
4 Mbi yeke tene nyen? Tongana azo ti kua ni ayeke mingi, sara tënë na zo so ayeke bâ ndo na ndo ti ala. Mo lingbi ti tene: “A yeke ngangu ti wara azo ti kango ye na yanga-da, ni la e ga ti bâ mo na place ti kua ti mo. Mbi hinga mo yeke sara kua, tongaso mbi yeke sara tënë gi nduru.” Ti tene a bâ e tongana azo ti kango ye pëpe, a yeke nzoni ti sara tënë ti offrande pëpe gi tongana zo ni aye ti hinga lege so e yeke wara na nginza ti sara na kua ti e ni si. Tongana e bâ mara ti kua wa la a yeke sara na ndo ni so, e lingbi ti tene na zo so ayeke bâ ndo na ndo ti kua ni so e ye ti sara tënë kete na azo ti kua ni. Kiri na ndo ti tënë so mo tene fade so. Tongana mo bâ so zo ni ayeke na kua mingi, sara tënë nduru na zia na lo mbeni tract. Tongana lege ayeke dä pëpe ti sara tënë na azo ti kua ni, peut-être a yeke mû ande lege na mo ti zia ambeti na ala na place so ala yeke wu tere ti ala dä wala na mbeni ndo so ala kue ayeke duti ka dä.
5. Ngbanga ti nyen ti fa tënë na mbeto pëpe na ando ti dengo buze?
5 Jésus na Paul afa lani tënë na mbeto pëpe na azo na place ti kua ti ala, mo kue mo lingbi ti sara tongaso (Mat. 4:18-21; 9:9; Kus. 17:17). Hunda na Jéhovah ti mû maboko na mo si bê ti mo aduti kpô na ti fa tënë na mbeto pëpe (Kus. 4:29). Na yâ ti territoire so ando ti dengo buze ayeke dä, azo so ayeke ka na yanga-da ti ala pëpe ayeke lakue dä, tongaso mo lingbi ti tara ti fa tënë na mara ti ando tongaso?