Akode ti fango na tënë

Tract Asango ti Royaume No. 38

“Mbi yeke mû mbage na kota kapa ti kangbingo kpengba tokua so a yeke sara ni na yâ ti dunia kue. Bâ ti mo la.”

Bâ tënë so si: Ti kangbi ni na yâ ti aterritoire kue, a yeke nzoni e sara tënë nduru. Me na ambeni ngoi, tënë ni alingbi ti ndu bê ti zo ni na lo ye ti tene e ngbâ e sara lisoro na lo. Tongana a yeke tongaso, mo lingbi ti hunda bango ndo ti lo na ndo ti hundango tënë so ayeke na ndo ti tract ni, diko na lo kiringo tënë ti Bible tongana ti so afa na yâ ni, nga bâ legeoko na lo mbeni mbage ti aye so ayeke na yâ ti tract ni tongana ngoi ayeke dä. Kozo ti hon, fa na lo hundango tënë so ayeke na gbe ti “Bâ tënë so”, so ayeke na peko ti tract ni nga mä tere na lo ti kiri ti sara lisoro na ndo ni.

Tour ti Ba Ndo 1 novembre

“Ti mo, kota mvene wa la a tene ni lani na ndo ti Nzapa? [zia zo ni akiri tene.] Bible afa so Nzapa aye si azo aye lo nga ala zia bê ti ala kue na lo. [Diko Ésaie 41:13.] Mbeti so asara tënë na ndo ti amvene ota so azo ayeke tene ka na ndo ti Nzapa na asara si ayeke ngangu na ambeni zo ti ga nduru na lo.”

Réveillez-vous! novembre

“E yeke sara vizite na azo ngbanga ti so mingi ti azo bâ so sarango ye ti tere ti azo ayeke buba bubango. Ti mo, mo pensé so anzoni sarango ye ti tere ti azo achangé ape? [Zia zo ni akiri tënë.] Bible afa lani kozo awe so bango ndo ti azo nga na sarango ye ti tere ti ala ayeke changé. [Diko 2 Timothée 3:1-5.] Mbeti so afa ngbanga ti nyen alingbi e zia bê ti e kue na afango ye so ayeke na yâ ti Bible.”