Akota ye so a sara na fango tënë

◼ Na Libéria ngoi ti Mémorial ayeke lani mbeni nzoni ngoi teti awafango tënë 5 955. Na popo ti azo so aye lani ti kono yâ ti kusala ti ala, azo 1 206 amû kua ti pionnier auxiliaire na nze ti mars, zo oko oko ayeke manda Bible na azo osio tongaso. Na lango 26 ti nze ti mars ngu 2013, aita ayeke lani na ngia ti bâ azo 81 763 so aga na Mémorial. Wungo so ahon wungo ti awafango tënë ti yâ ti kodoro ni fani bale-oko na osio tongaso. Na nze so aga na pekoni, azo 17 awara batême, ye so a sara si wungo ti azo kue so awara batême na yâ ti akozo nze omene ti ngu ti kusala ni ayeke 223. Biani, azo mingi aga na hoto ti Jéhovah ti voro lo.​—Mi. 4:1.