E fa atënë ti mabe ti e na ndo ti ngu 1914

Bible awa e ti “duti nduru ti gbu koko” ti aye so e mä na bê dä, ti “sara ni na ngangu pëpe nga na nengo zo mingi.” (1 Pi. 3:15). Ti tâ tënë ni, e lingbi ti bâ so a yeke ngangu na e ti fa atâ tënë ti Bible so ndani alï mingi, na tapande tongana nyen la e hinga so Royaume ti Nzapa ato nda ti komande na ngu 1914. Ti mû maboko na e, a sigigi na article na mbage use so li ni ayeke: “Lisoro na mbeni zo: Royaume ti Nzapa akomanse ti komande lawa?” A sigigi na a-article so na yâ ti Tour ti Ba Ndo so e yeke fa na tënë na nze ti octobre na novembre. Tongana mo yeke bâ a-article so, mû peko ti ahundango tënë so ayeke na gbe ni ge so andu kode so Cameron, wafango tënë ni, asara na kua.

Tongana nyen la . . . 

• lo sara kua na gondango ndo ti mä tere na ndo ti mbeni tënë? —Kus. 17:22.

• lo fa so lo yeke na tâ be-ti-molenge na ngoi so lo yeke fa atënë ti mabe ti lo?—Kus. 14:15.

Ngbanga ti nyen a yeke nzoni so . . . 

• lo kiri na ndo ti atënë ni kozoni si lo gue na mbeni nde?

• lo luti kete ngoi na ngoi ti hunda tënë wala zo ni agbu nda ti ye so lo yeke fa na lo so nzoni?

• lo yôro gbâ ti atënë na yâ ti lisoro ni pëpe?—Jean 16:12.

A lingbi e kiri singila na Jéhovah, “Maître” ti e, so afa na e tongana nyen ti fa atâ tënë ti Bible so ndani alï mingi na ala so ayeda ti mä ni.—És. 30:20.