Eskê Tënë ti Nzapa ayeke sara ngangu na yâ ti fini ti mo lâ oko oko?

Dikongo Bible lâ oko oko alingbi ti mû maboko na e ti ga zo so gere ti lo “alï sese” nga so ‘ayengi pëpe na yâ ti mabe’. (aCol. 2:6, 7). Ni la, ti tene Bible asara ngangu na yâ ti fini ti e, a lingbi e gbu li ti e na ndo ni nga e sara ye alingbi na ni (aHéb. 4:12; Jacq. 1:22-25). Josué 1:8 afa aye ota so e lingbi ti sara na ngoi so e yeke diko Bible: (1) Diko Bible “lâ na bï”. (2) “Bi bê” ti mo dä. Ti bi bê ti mo dä aye ti fa so alingbi mo diko ni na loro ape me a yeke nzoni mo gbu li ti mo na ndo ni nga mo imaginé tongana nyen la aye ni apassé lani. (3) Duti nduru ti sara ye alingbi na “tënë kue so a sara na yâ ni.” Ti sara ye alingbi na awango so ayeke sara si lege ti e “aga nzoni” nga e yeke sara ye na ndara na yâ ti fini ti e ti lâ oko oko.