Abia ti Royaume ayeke mû ngangu na zo

Paul na Silas asepela Nzapa na bia na ngoi so ala yeke na da ti kanga (Kus 16:25). Na ngoi ti e, aita ti e ahe abia ti Royaume na ngoi so ala yeke na Sachsenhausen, camp ti sarango pasi na azo, na Allemagne ti aNazi nga na ngoi so a gue na ala na Sibérie. Atapande so afa ngangu so abia ayeke na ni ti kpengba aita so awara atara.

Na yâ ti kete ngoi, a yeke sigi na fini mbeti ti bia so li ni ayeke “He bia na ngia na bê” na Jéhovah na ayanga ti kodro mingi. Tongana e wara ni ande, e lingbi ti manda atënë ti yâ ni na li na mandango ni na ngoi ti vorongo Nzapa na yâ ti sewa (aÉp 5:19). Tongaso, yingo vulu ayeke mû maboko na e ti dabe na ni tongana e yeke na yâ ti atara. Abia ti Royaume alingbi ti mû maboko na e ti zia lê ti e na ndö ti beku ti e. Abia ni alingbi ti mû ngangu na e na ngoi so e yeke na yâ ti atara. Nga, na ngoi so terê ti e anzere, apendere tënë ti yâ ti abia ni ayeke mû lege na e ti “he bia na ngia na bê” ndali ti anzoni ye so ayeke na yâ ti bê ti e (1Ch 15:16; Ps 33:1-3). Zia e sara kue ti he abia ti e ti Royaume na lege ni.

BÂ VIDÉO MBENI BIA SO AMÛ NGANGU NA AWAKUA. NA PEKONI, KIRI TËNË NA AHUNDANGO TËNË SO:

• Aye wa la ague na Ita Frost ti sigi na mbeni bia?

• Tongana nyen la bia ni amû ngangu na aita so ayeke na yâ ti camp ti sarango pasi na azo na Sachsenhausen?

• Lâ na lâ, na yâ ti aye wa la abia ti Royaume alingbi ti kpengba mo?

• Abia ti Royaume wa la mo ye ti hinga ni na li?