Fango tënë nduru na Monrovia, na Libéria

Kode ti sarango na alisoro

●○○ KOZO TINGBINGO TERÊ

Hundango tënë ni: Bible angbâ na ngangu juska laso?

Versê ni: 2Tm 3:16

Ti peko: Mama-tene ti yâ ti Bible ayeke nyen?

○●○ KOZO VIZITE

Hundango tënë ni: Mama-tene ti yâ ti Bible ayeke nyen?

Versê ni: Mt 6:10

Ti peko: Nyen la Royaume ti Nzapa ayeke sara ande?

○○● USE VIZITE

Hundango tënë ni: Nyen la Royaume ti Nzapa ayeke sara ande?

Versê ni: Dan 2:44

Ti peko: Nyen la Royaume ni ayeke sara ande ndali ti sese?

Ti to nda ni na nze so, a yeke wara encore ape akode ti fango na tënë ota na yâ ti bungbi ti milieu ti yenga. Me, na yâ ti Mbeti ti bungbi: Kusala ti e nga na gigi ti e ayeke wara kode ti sarango na alisoro so ayeke na mbeni hundango tënë ti tongo nda ni, mbeni versê nga na mbeni hundango tënë so amû lege ti sara vizite ti peko. Yenga oko oko, a yeke zia vidéo ti kode ti sarango na lisoro gï oko. A yeke na wafango tënë oko oko ti bâ na popo ti ambeti so e yeke manda na Bible na azo so wa la lo yeke soro ti sara kua na ni, atâa na ngoi ti kozo tingbingo terê wala ti vizite. Nga, na yâ ti mbeti ti bungbi a yeke wara atënë ndali ti alisoro use so a yeke sara na peko. Kode ni so ayeke mû maboko na e ti zia lê ti e na ndö ti kua ti e ti fango ye na “ala kue so ayeke nduru ti yeda na tënë ni ti wara fini ti lakue lakue.”—Kus 13:48.

Devoir ti a-élève: Tongana a fa mbeni ye nde ape, a lingbi a-élève ni a sara kua na kode ti sarango na alisoro.