Sara kua na Ngbâ na fini lakue lakue! ti aidé zo ti gi ti duti na mabe na Jéhovah nga na Jésus

Ti nzere na lê ti Nzapa, azo so ayeke manda Bible abezoin ti kpengba mabe ti ala (aHb 11:6). E peut ti aidé ala ti sara ni tongana e sara kua na buku Ngbâ na fini lakue lakue! Na yâ ti buku so a yeke wara akpengba versê, afango ye so ayeke polele, anzoni hundango tënë, avidéo so andu bê ti zo nga na apendere foto. Tongana e aidé a-étude ti e ti gi ti duti na asarango ye ti Chrétien nga ti duti na songo na Jéhovah, e yeke leke ala na aye so wâ ayeke gbi ni ape.​—1aC 3:12-15.

Ambeni zo abâ so a yeke ngangu ti imaginé ti duti kamarade ti Nzapa, so ala peut ti bâ lo ape. Tongaso e doit ti aidé ala ti hinga Jéhovah nga ti sara confiance na lo.

BÂ VIDÉO SARA KUA NA “NGBÂ NA FINI LAKUE LAKUE!” TI AIDÉ ZO TI GI TI DUTI NA MABE NA JÉHOVAH”, NA PEKONI KIRI TËNË NA AHUNDA SO:

• E hinga tongana nyen so ita-wali ni aleke terê ti lo nzoni ndali ti étude so lo sara?

• Tongana nyen la lo sara kua na ambeni nzoni hunda ti aidé étude ti lo ti fa apensé ti lo nga na asentiment ti lo na ndö ti Ésaïe 41:10, 13?

• Vidéo ni nga na aversê ti Bible asara nyen na ndö ti wamandango Bible ni?

Azo mingi acomprendre ape ye so afuta ti zi azo, wala ala bâ ni pëpe tongana mbeni cadeau so Nzapa amû na ala (aGl 2:20). Tongaso, e doit ti aidé ala ti gi ti duti na mabe na ye so Jésus afuta ti zi azo.

BÂ VIDÉO SARA KUA NA “NGBÂ NA FINI LAKUE LAKUE!” TI AIDÉ ZO TI GI TI DUTI NA MABE NA JÉSUS, NA PEKONI KIRI TËNË NA AHUNDA SO:

• E hinga tongana nyen so ita-koli ni aleke terê ti lo nzoni ndali ti étude so lo sara?

• Tongana nyen la lo sara kua na mbage “Gi nda ti ye” ti aidé étude ti lo?

• Ngbanga ti nyen la sambela ayeke kota ye mingi ndali ti wamandango Bible ni?