Sara kua na Ngbâ na fini lakue lakue! na fango tënë

A nzere na e mingi ti wara mbeni fini brochure na mbeni fini buku ti sara na étude na azo! E sambela Jéhovah ti sara tufa na ndö ti a-effort so e yeke sara ti sara adisciple mingi ahon ti kozo (Mt 28:18-20; 1aC 3:6-9). E yeke sara kua na afini gbakuru so tongana nyen?

So Ngbâ na fini lakue lakue! ayeke na mbeni fini kode ti fango ye, so ayeke ti sara lisoro na zo so mo yeke sara étude na lo, sara ye alingbi na awango so na ngoi so mo yeke leke étude ti mbeni zo nga na ngoi ti étude ni.a

• Diko mbage so ala yeke manda nga sara lisoro na ndö ti ahundango tënë ni

• Diko aversê so a zia dä “diko” nga aidé zo ni ti hinga tongana nyen ti sara ye alingbi na ni

• Zia avidéo ni nga sara lisoro na ndö ni na sarango kua na ahundango tënë kue so ayeke na yâ ti mbage ni

• Sara kue ti hunzi ye ti manda oko oko na ngoi ti étude oko oko

Na fango tënë, mû brochure ni kozo na zo ti bâ wala ayeke nzere na lo. (Bâ encadré “Lege ti mû na zo brochure Ngbâ na fini lakue lakue! na ngoi ti kozo tingbingo terê.”) Tongana mo hunzi ti manda brochure ni na zo ni awe nga lo yeda ti continué étude ni, mû na lo buku ni nga komanse na ye ti manda 04. Tongana mo yeke sara étude na mbeni zo na yâ ti buku Bible alingbi wala buku Ngbâ na yâ ti ndoye ti Nzapa, kiri na ni na yâ ti buku Ngbâ na fini lakue lakue! na bâ ndo wa la ala lingbi ti komanse dä.

BÂ VIDÉO BÂ TONGANA NYEN LA A YEKE MANDA BIBLE, NA PEKONI KIRI TËNË NA AHUNDA SO:

• Nyen la azo so e yeke sara étude na ala ayeke manda na lege ti fini buku so?

• Ngbanga ti nyen la mo doit ti fa vidéo so na azo so ayeke manda Bible fini fini?

• Aye wa la yeke yeke mo doit ti wa zo so mo yeke sara étude na lo ti zia na gbele lo nga ti gi ti si dä? —Bâ tableau “Akota tënë ti mbage oko oko nga na aye ti sara.”