Gi ti hinga afini ye na ngoi so mo yeke manda ye

Na ngoi so e yeke leke terê ti e ti manda ye, e peut ti hunda terê ti e: ‘Nyen la mbi ye ti gi ti hinga?’ Me, a yeke nzoni e sara hange si ye so e ye ti gi ti hinga akanga lege na e pëpe ti hinga ye so Jéhovah ayeke fa na e. Tongana nyen la e peut ti gi ti hinga afini ye na ngoi so e yeke manda ye?

Sambela ti wara ndara. Hunda Jéhovah ti aidé mo ti hinga ye so lo ye ti tene mo manda na ngoi ni so (Jacq. 1:5). Ngbâ gï pëpe na ndö ti aye so mo hinga awe.—aProv. 3:​5, 6.

Zia si ngangu so Bible ayeke na ni asara kua na yâ ti fini ti mo. “Tënë ti Nzapa ayeke na fini”. (aHéb. 4:12). Tongaso, lakue tongana e diko Bible, a peut ti fa na e mbeni fini ye nga a peut ti aidé e na alege nde nde. Me ye so ayeke si gï tongana e hinga so e bezoin ti manda ye so Nzapa ayeke fa na e.

Kiri singila na Jéhovah ndali ti aye kue so lo yeke fa na mo. Akobe ti yingo so lo yeke mû na e ayeke tongana “matanga ti gbâ ti anzoni kobe”. (És. 25:6). Huru pëpe ndö ti atënë so mo pensé so a yeke nzere na mo ape ti manda ye na ndö ni. Mo yeke bâ nzoni dä nga mandango ni ayeke nzere na mo mingi.