HUNDA TI AMASEKA
Tongana nyen la mbi peut ti zia lege ti sarango double vie?
Parfois, ambeni wakua ti Nzapa ayeke hunda terê ti ala wala sarango ye alingbi na amama-ndia ti Bible apeut ti ga na nzoni ye na zo (Psaume 73:2, 3). Ala peut même ti komanse ti sara aye so ague nde na andia ti Jéhovah nga ala yeke gi ti handa ambeni wakua ti Jéhovah na lege so ala yeke honde asioni sarango ye ti ala.
A sigi na article so ti aidé azo so akomanse mara ti vie tongaso, me so aye ti zia lege ni.
Na yâ ti article so e yeke bâ:
Sarango double vie ayeke nyen?
Sarango double vie aye ti tene so tongana mo yeke na popo ti amba ti mo so ayeke voro Jéhovah ape, mo yeke sara aye so mo hinga so ayeke sioni; me tongana mo yeke na popo ti awakua ti Jéhovah so ayeke be-ta-zo, mo yeke sara ye mo bâ mo tene mo yeke sara na Jéhovah. Tongana sarango ye ti mo ayeke use use, a yeke mo bâ mo tene mo yü mbeni masque.
“Tongana mo yeke sara double vie, mo yeke honde mbeni ye. Tongaso, zo oko ahinga vrai sarango ye ti mo ape. Ti vrai ni, mo yeke handa azo kue.”—Erin.
Mo hinga? Sarango double vie apeut ti ndu aye so mo sara na hondengo ni so mo hinga so Jéhovah ake ni.
“Na ngoi so mbi yeke na ngu 14, mbi komanse lani ti bâ asioni image nga na asioni film na ndö ti Internet. Tongana mbi yeke na milieu ti azo, mbi yeke sara ye mo bâ mo tene mbi ye porno ape, me na yâ ti bê ti mbi, mbi ye ni.”—Nolan.
Mama-ndia ti Bible: “Zo alingbi pëpe ti sara kua ti ngbâa na azo use, ndali ti so lo yeke ke mbeni oko na lo yeke ye mbeni. Wala lo yeke ngbâ na mbeni oko na lo ke mbeni.”—Matthieu 6:24.
Tongana mbi yeke sara double vie, a ye ti fa so mbi yeke sioni zo?
A yeke lakue tongaso ape. Ti tâ tënë ni, ambeni zo asoro ti sara ye alingbi na amama-ndia ti Bible ape. Eskê ti mo kue ayeke tongaso? Wala ambeni ye la asara si mo yeke sara double vie, aye tongana:
Mo yeke sara mbeto ti tene sarango ye ti mo aduti nde na ti amba ti mo.
Mo pensé so sarango ye ti mo na ti amba ti mo ti ekole ayeke oko ahon ti ala so ayeke na yâ ti congrégation ti mo.
Mo pensé so mo peut ape ti sara ye alingbi na acommandement ti Nzapa kue.
“Mbi pensé so amaseka so ayeke sara double vie asentir terê ti ala bien na azo so ayeke na asarango ye ti aChrétien ape ndali ti so ala ye ti mû mbage na aye kue so amba ti ala ayeke sara, atâa ye ni ayeke so wa.”—David.
Ti vrai ni, aye so kue ajustifié ape sarango double vie. Me, aye so afa tongana nyen la anzoni zo apeut même ti tï na yâ ti ngbanda ni so. Tongana mara ti ye tongaso asi na mo, nyen la mo peut ti sara?
Tongana nyen la mbi peut ti zia lege ti sarango double vie?
1. Gbu li na ndö ti fason so mo yeke vivre na ni laso. Hunda terê ti mo: ‘Eskê ayeke vrai zo so mbi ye ti duti ni la? Tongana mbi ngbâ ti vivre tongaso, ye peko ni ayeke so wa?’
Mama-ndia ti Bible: “Zo so lê ti lo ahan abâ kpale . . . , me azo so ahinga ndo mingi pëpe ague gï guengo na lê ni, na ala wara ye ti peko ni.”—aProverbe 27:12.
2. Duti honnête. Sara tënë ti situation ti mo ni na aparent ti mo wala na mbeni kamarade ti mo so ayeke kota zo na mo so ane andia ti Jéhovah. A yeke nzere na ala so mo hunda ti tene ala aidé mo. Nga, a yeke nzere na ala ti bâ so mo ye ti sara ye ti nzoni.
Tongana mo tï na yâ ti sarango double vie so ayeke tongana mbeni dû so alï, hunda ti tene a aidé mo
“Ti sara tënë ti kpale ti mbi ni na ambeni zo ayeke lani ngangu mingi na mbi, me na peko ti so mbi sara tënë ni, mbi sentir terê ti mbi bien.”—Nolan.
Mama-ndia ti Bible: “Zo so ahonde afaute ti lo ayeke bâ nzoni pëpe, me zo so afa ni na gigi na lo zia lege ni, a yeke sara nzoni bê na lo.”—aProverbe 28:13.
3. Yeda na aconséquence ni. Girisa ape so, tongana mo honde mbeni ye na aparent ti mo nga na aita ti congrégation, a yeke duti ngangu ti tene ala sara confiance na mo. Ye ti peko ni ayeke so, aparent ti mo wala a-ancien ti congrégation ti mo apeut ti ke na mo ti sara ambeni ye. Yeda na aconséquence ni, nga ti londo na ngoi ni so ti gue na ni, leke na bê ti mo ti “sara ye mbilimbili na yâ ti aye kue.”—aHébreu 13:18.
Mama-ndia ti Bible: “Mä wango nga yeda ti tene a fa lege na mo, tongaso si kekereke mo ga zo ti ndara.”—aProverbe 19:20.
4. Hinga na bê ti mo kue so Nzapa aye mo. Ndali ti so Jéhovah andoye e, lo hinga nzoni mingi ye kue so e yeke sara. Tongaso, tongana mo yeke sara double vie, lo hinga ni nga vundu ayeke sara lo. Me, ‘ndali ti so lo yeke bi bê ti lo na ndö ti mo,’ lo ye vraiment ti aidé mo ti tene mo kiri na nzoni lege.—1 Pierre 5:7.
Mama-ndia ti Bible: “Lê ti Jéhovah ayeke bâ ndo na ndö ti sese kue ti mû ngangu ti lo ti mû maboko na azo so azia bê ti ala kue na lo.”—2 Chronique 16:9.