Eskê agbakuru so a programmé ala ti sara ye tongana zo ayeke nzoni?: Bible atene nyen na ndö ni? 

Ade ti ninga ape, akota zo ti dunia so, ascientifique, nga na azo so ayeke sigi na a-appareil, a sara tënë na ndö ti ngangu so intelligence artificielle (IA) ayeke na ni. Ala fa so agbakuru ni so ayeke nzoni, me tongana azo asara kua na ni na lege ni ape apeut ti ga na akpale.

• “IA ayeke agbakuru so ayeke na ngangu mingi laso, na apeut ti sara si gigi ti azo aga nzoni . . . Na oko ngoi ni, IA apeut ti ga na akpale na azo nga na nzoni duti ti ala, a peut ti sara ngangu na ndö ti droit ti azo nga na aye so abâ gï ala, a peut nga ti buba yâ ti confiance so azo ayeke na ni na tënë ti poroso.”—Kamala Harris, vice président ti État-Unis, 4 mai 2023.

• Frederik Federspiel so ayeke mû li ni na yâ ti mbeni équipe ti adocteur nga na ti azo so ahinga ye mingi na ndö ti tënë ti seni na yâ ti dunia kue, a sû lani mbeni tënë na yâ ti mbeti (BMJ Global Health) so a sigi na ni na lango 9 ti mai 2023, atene: “Atâa so intelligence artificielle (IA) apeut ti aidé mingi na ndö ti tënë ti seni, a peut nga ti ga na akpale na seni ti azo”.a

• “Laso, azo ayeke sara kua na IA ti sigi na asango so ayeke tâ tënë ape. Na yâ ti kete ngoi, a peut ti sara si azo aperdre kua ti ala. Awandara atene so tongana ngoi ayeke hon, a peut ti ga na akpale na azo.”—The New York Times, 1 mai 2023.

Na yâ ti angoi so ayeke ga, a yeke hinga ande wala azo so ayeke sara kua na IA ayeke sara kua na ni ndali ti nzoni ti azo wala ndali ti sioni ti ala. Bible atene nyen na ndö ni?

Ndani so aye so azo ayeke sigi na ni aga na gingo bê

Bible afa ndani so awandara apeut ti hinga ape wala afini ye so ala sigi na ni azo ayeke sara kua na ni na lege ni wala pëpe.

1. 1. Même si awandara so ayeke sigi na afini ye ayeke na anzoni bibe, ala peut ti hinga ape akpale so ayeke ga na peko ni.

   • “Mbeni lege ayeke dä so na lê ti zo akpa nzoni lege, me a gue ngbii a si na kuâ.”—aProverbe 14:12.

2. 2. Zo apeut ti controlé ape fason so azo ayeke sara kua na ye so lo sigi na ni.

   • “Mbi doit ti zia [kua ti mbi] na zo so ayeke ga na peko ti mbi. Zo wa la ahinga wala lo yeke duti ande zo ti ndara wala zo ti buba? Ye oko, lo yeke komande na ndö ti aye kue so mbi fâ terê ti mbi nga mbi mû ndara ti mbi ti wara ni na gbe ti lâ.”—Zo-ti-fa-tene 2:18, 19.

So e peut ti hinga ye kue ape afa ndani so e yeke na bezoin ti fango lege ti Zo so acréé e.

Zo so e peut ti sara confiance na lo

Lo so acréé e amû zendo so lo yeke zia lâ oko pëpe si azo wala aye so ala sigi na ni afuti sese nga na azo.

• “Sese ni angbâ lakue.”— Zo-ti-fa-tene 1:4.

• “Sese ayeke ga ande ye ti azo ti mbilimbili, na ala yeke ngbâ na ndö ni lakue lakue.”—Psaume 37:29.

Na lege ti Bible, Zo so acréé e afa na e aye so apeut sara si e duti na siriri nga kekereke ti e aga nzoni. Ti hinga ye mingi na ndö ti ye so Bible atene, diko a-article “Na ndo wa la mo peut ti wara nzoni fango lege ndali ti kekereke?” nga na “Une espérance réelle pour des jours meilleurs.”