Kpale ti dutingo zo lo oko ague na li ni mingi: Bible atene nyen na ndö ni?

Ti gue oko na mbeni rapport so a sara ade ti ninga ape na yâ ti dunia kue,a tongana a mû azo osio, oko na popo ni abâ so lo yeke gï lo oko.

• “Kpale ti dutingo zo lo oko apeut ti ndu azo kue na ndo kue, atâa ngu ti zo ni ayeke oke.”​—Chido Mpemba, coprésidente de la Commission sur le lien social de l’Organisation mondiale de la santé.

Ambeni zo apeut ti pensé so azo so abâ so ala yeke gï ala oko ayeke gï azo so ngu ti ala ague na li ni wala ala so ayeke gï ala oko. Me, azo so ayeke amaseka, azo so ayeke na nzoni seni, azo so dutingo ti ala ayeke nzoni nga na ala so asara mariage awe apeut nga ti bâ so ala yeke gï ala oko. Tongana zo abâ so lo yeke gï lo oko nga lo yeke na contact na azo ape apeut ti joué na ndö ti santé ti lo.

• Docteur Vivek Murthy, so ayeke bâ ndo na ndö ti tënë ti seni na États-Unis, atene: “Tënë ti dutingo zo lo oko andu aye mingi ahon so si zo abâ so lo sentir terê ti lo bien ape. Kpale so azo so ayeke nyon manga 15 lango oko oko ayeke wara, a yeke gï oko kpale so azo so ayeke duti gï ala oko apeut nga ti wara ni.”

Ye so Bible afa

Wasarango e aye ti tene e duti gï e oko ape. Ye so Nzapa aye ayeke ti tënë azo aduti lakue na nzoni songo na amba ti ala.

• Mama-ndia ti Bible: “Nzapa atene: ‘A yeke nzoni pëpe ti tene koli angbâ gï lo oko.’ ”​—Genèse 2:18.

Nzapa aye ti tene e duti na nzoni songo na lo. Lo mû zendo ti ga nduru na e tongana e sara effort ti ga nduru na lo.​—Jacques 4:8.

• Mama-ndia ti Bible: “Ngia ayeke na ala so ahinga so ala yeke na bezoin ti aye ti yingo, ndali ti so Royaume ti yayu ayeke ti ala.”​—Matthieu 5:3.

Nzapa aye ti tene e voro lo legeoko na amba ti e. Tongana e sara tongaso e yeke duti na ngia.

• Mama-ndia ti Bible: “Zia e bi lê na ndö ti mba ti pusu mba ti duti na ndoye na ti sara anzoni kusala, e zia pëpe lege ti guengo lakue na bungbi ti e, . . . me e wa terê na popo ti e.”​—aHébreu 10:24, 25.

Ti hinga ambeni tënë na ndö ti ndani so ayeke kota ye ti hon ndö ti bibe ti dutingo zo lo oko, diko article “La solitude à l’ère de la communication.”