Ngbanga ti nyen la aTémoin ti Jéhovah ayeke sara amatanga ti kodro ape?

A-Témoin ti Jéhovah ane agouvernement nga na aye tongana drapeau. E bâ nga na nene ni choix ti azo so abara drapeau wala ahe hymne.

Me, e soro ti sara amatanga ti kodro ape ndali ti so e bâ so aye ni ague nde na afango ye ti Bible. E ye ti tene azo abâ na nene ni aye so e mä na bê na ni gï tongana ti so e nga kue e bâ na nene ni choix ti ala.

Na yâ ti article so e yeke bâ:

• Amama-ndia ti Bible wa la ayeke fa lege na e?

• Ka tongana ndia la ahunda ti sara ni?

• Eskê aTémoin ti Jéhovah ayeke gi ti fa so bango ti ala ayeke nde na ti gouvernement?

Amama-ndia ti Bible wa la ayeke fa lege na e?

Bâ akota mama-ndia ti Bible use so andu desizion ti e:

• Gï Nzapa oko la lo lingbi ti tene e voro lo. Bible atene: “A yeke gï Jéhovah Nzapa ti mo si mo doit ti voro lo, nga gï lo oko si mo doit ti sara na lo kusala so ayeke nzoni-kue.” (Luc 4:8). Mingi ni, na yâ ti atënë ti barango drapeau nga na hengo hymne ayeke wara tënë ti zendo so mbeni zo ayeke mû ti ye kodro ti lo mingi ahon aye kue. Tongaso, e aTémoin ti Jéhovah e bâ so conscience ti e amû lege na e ape ti mû mbage na mara ti aye tongaso.

  A-Témoin ti Jéhovah abâ nga barango drapeau tongana vorongo Nzapa, me Bible ake vorongo mbeni ye wala vorongo yanda (1 aCorinthien 10:14). Ambeni historien atene so drapeau ayeke tongana mbeni ye so azo amû ti voro na Nzapa. Carlton Hayes, mbeni historien, atene so “drapeau ayeke ye so azo ayeke voro ni tongana mbeni nzapa.”a Tongana andu tënë ti akozo Chrétien, mbeni wasungo mbeti, Daniel Pratt Mannix atene: ‘A-Chrétien ake ti mû sandaga na yingo so abata sewa ti togbia ti Rome, na ye so akpa laso kengo barango drapeau.’b

  Même si aTémoin ti Jéhovah abara drapeau ape, e yeke buba ni ape, e yeke gbi ni ape wala e yeke sara pëpe mbeni ye so afa so e ne ni ape.

• Na lê ti Nzapa, azo kue ayeke gï oko (Kusala 10:34, 35). Bible atene so Nzapa ‘asara mara oko oko kue ti azo.’ (Kusala 17:26). Ndali ti raison so la aTémoin ti Jéhovah abâ so ayeke na lege ni ape ti yâa na nduzu mbeni mara wala mbeni kodro ahon mbeni. E bâ azo kue na nene ni, atâa ndo so ala londo dä wala ndo so ala vivre dä.—1 Pierre 2:17.

Ka tongana ndia la ahunda ti sara ni?

A-Témoin ti Jéhovah ayeke contre gouvernement ape. E bâ so agouvernement ayeke mbage ti “ye so Nzapa si azia na sese”, so ti tene lo la lo zia lege si ala yeke dä so (aRomain 13:1-7). E yeda nga so aChrétien adoit ti mä yanga ti akota zo ti kodro.—Luc 20:25.

Ka tongana ndia ti kodro ahunda ti sara ti mbeni ye so Nzapa ake? Na yâ ti ambeni ye, a yeke possible ti hunda na gouvernement ti tene a changé yâ ti mbeni ndia.c Me tongana ayeke possible ape, na nengo zo, aTémoin ti Jéhovah ayeke soro ti “mä yanga ti Nzapa, lo so lo yeke mokonzi, ahon ti mä azo.”—Kusala 5:29.

Eskê aTémoin ti Jéhovah ayeke gi ti fa so bango ti ala ayeke nde na ti gouvernement?

Ên-ën. A-Témoin ti Jéhovah ayeke mû mbage ape na aye ti politique. Tongana e bara drapeau ape wala e he hymne ape, aye ti tene ape so e yeke contre gouvernement. Me, e ye ti sara ye alingbi na aye so e mä na bê na ni na yâ ti Bible.