Lege so a-appareil ayeke sara ngangu na ndö ti pensé ti mo

Azo ayeke manda ye lakue ndali ti ekole, ndali ti kua wala ndali ti ambeni raison. A-appareil apeut ti aidé ala. Ti wara asango laso ayeke facile mingi ahon ti ândö, même gï na yanga-da ti mo, mo peut ti wara ni.

Me, azo so asara kua na a-appareil ti ala mingi abâ so . . .

ayeke ngangu na ala ti zia li ti ala na ye so ala yeke diko.
ayeke ngangu na ala ti zia li ti ala gï na ndö ti mbeni ye oko.
ala yeke ennuyé terê ti ala na temps so ala yeke gï ala oko.

YE SO MO DOIT TI HINGA

Mbeni maseka-wali ayeke sara gbâ ti aye na oko ngoi. Lo yeke sara mbeni message na téléphone, lo yeke sara appel vidéo na mbeni kamarade ti lo nga lo yeke sara kua na mbeni ordinateur na mbeti ti manda na ye.

YE SO MO YEKE DIKO

Azo so asara kua na a-appareil ti ala mingi ayeke diko mbeni buku kue ape, me ala gi ti hinga gï akota tënë ni.

Ti diko mbeni mbeti na loro ayeke bien na ngoi so mo ye ti wara kiringo tënë hio na mbeni hunda. Me, a peut ti kanga lege na mo ti mä yâ ti tënë ni nzoni.

TI GBU LI NA NDÖ NI: Eskê a yeke facile na mo ti diko mbeni yongoro article? Nyen la mo peut ti sara ti diko mbeni ye nzoni ahon ti kozo?—APROVERBE 18:15.

A YEKE NGANGU NA MO TI ZIA LI TI NA NDÖ TI MBENI YE

Ambeni zo atene so a-appareil amû lege na ala ti sara aye use na même ngoi, na tapande ti sara amessage na akamarade na ngoi so ala yeke manda ye. Me tongana li ti ala ayeke na ndö ti aye nde nde, a peut ti sara si même gï ye oko ala sara ni nzoni ape, surtout tongana ala doit ti zia li ti ala kue na ndö ti ye oko.

Ti zia li ti mo na ndö ti mbeni ye, a yeke nzoni mo sara effort. Mbeni maseka-wali so iri ti lo ayeke Grâce atene: “Mbi manda so ayeke nzoni ti zia li ti mbi na ndö ti ye oko na mbeni ngoi nga ti kpe ti tene aye agboto lê ti mbi. A yeke sara si mo sara afaute mingi ape nga mo yeke gi bê mingi ape.”

TI GBU LI NA NDÖ NI: Eskê a-appareil asara si ayeke ngangu na mo ti zia li ti mo na ndö ti aye so mo yeke sara nga ti rappelé na aye so mo manda?—APROVERBE 17:24.

MO YEKE GÏ MO OKO

Ambeni zo aye ti duti ala oko ape, tongaso ala yeke sara kua na a-appareil ti sara mbeni ye ti passé na temps. Mbeni wali so iri ti lo ayeke Olivia atene: “Tongana gï minute 15 ahon sân ti tene mbi sara kua na téléphone ti mbi, tablette wala ti bâ télé, mbi yeke ennuyé terê ti mbi.”

Me, ti tene azo amanda ye nzoni, ala bezoin ti tene ala duti gï ala oko tongaso si ala peut ti gbu li na ndö ti ye so ala manda, ye so abâ amaseka nga na akota zo kue.

TI GBU LI NA NDÖ NI: Eskê mo yeke mû angoi so mo yeke gï mo oko ti gbu li?—1 TIMOTHÉE 4:15.

YE SO MO PEUT TI SARA

BÂ FASON SO MO YEKE SARA KUA NA A-APPAREIL TI MO

Na alege wa la mo peut ti sara kua na a-appareil ti aidé mo ti manda ye? Tongana nyen la a-appareil apeut ti kanga lege na mo ti zia li ti mo na ndö ti ye so mo yeke manda?

MAMA-NDIA TI BIBLE: “Bata ndara ti sara ye ti nzoni, nga kode so mo yeke na ni ti gbu li nzoni.”—APROVERBE 3:21.

HUNDA TERÊ TI MO . . .

Eskê a yeke ngangu na mbi ti concentré tongana mbi yeke diko mbeni yongoro mbeti na lê ti écran ti appareil? Tongana a yeke tongaso, nyen la mingi ni asara si mbi yeke concentré ape?
Ambeni ye wa la mbi peut ti sara ti tene li ti mbi ahon na ndö ti mbeni ye nde ape?

Wango: Kozoni, komanse ti diko aparagraphe ni kete kete, na pekoni mo lingbi ti diko ni mingi ahon so. Ti tene mo zia li ti mo na ndö ti ye so mo yeke diko, diko ni yeke yeke nga na kota go.

Achangement wa la mbi peut ti sara ti tene mbi wara ngoi ti gbu li nzoni na ndö ti ye so mbi yeke diko?

Wango: Mû andangba minute bale-oko ti mandango ye ni ti rappelé na ye so mo manda.

Na yâ ti aye wa la mbi ye ti sara gbâ ti aye na oko ngoi?
Achangement wa la mbi peut ti sara tongaso si mbi zia li ti mbi na ndö ti mbeni ye oko?

Wango: Tongana mo yeke manda ye, zi aye so apeut ti gboto lê ti mo na ndö ti ye so mo yeke manda.

MAMA-NDIA TI BIBLE: “Gi ti wara ndara, gi ti wara hingango ndo.”—APROVERBE 4:5.