Chapitre 3

Adu lo so aleke lege

ELISABETH aga ndulu ti du fadeso. Na ya ti nze ota, Marie aduti na tele ti lo, ti mu maboko na lo. Me fadeso, ngoi asi awe ti tene Marie azia ala na lo kiri na Nazareth so ayo mingi. Na ya ti nze omene fade lo nga lo yeke du.

Kete na peko ti kiringo ti Marie, Elisabeth adu molenge ti lo. Azo kue ayeke na ngia teti ye oko ti sioni asi na dungo ni pepee, na tele ti mama na ti molenge ayeke nzoni. Elisabeth afa molenge ti lo na sewa ti lo nga na azo so alango ndulu na da ti lo, na ala kue akangbi ngia so asi na be ti lo.

Tongana so Ndia ti Nzapa ahunda, lango miombe na peko ti so adu lo, a lingbi afa nganza na molenge koli kue ti Israël. Na ngoi ni so, andeko na asewa aga. Ala ye ti di iri ti molenge ni Zacharie, tongana baba ti lo, me Elisabeth ake, lo tene: “Oko pepee, a lingbi adi iri ti lo Jean.” E da be ti e, a yeke iri so ange Gabriel atene ti mu na molenge ni.

Me, andeko ti ala ake, ala tene: “Mbeni zo oko na ya ti sewa ti mo ayo iri so pepee.” Na lege ti maboko ti ala, ala hunda na baba ni iri wa lo ye ti mu na molenge ti lo. Zacharie ahunda ye ti su mbeti da, na be ti ala kue ado tongana lo sala da: “Iri ti lo ayeke Jean.”

Gi na ngoi so, yanga ti Zacharie azi na lo lingbi mbeni ti sala tene. Mo da be ti mo so yanga ti lo akanga ando ngbanga ti so lo ma na be pepee tongana ange atene na lo so fade Elisabeth ayeke du molenge. Tongana Zacharie akiri asala tene, be ti azo kue so alango ndulu na lo ado na ala hunda tele ti ala: “Fade molenge so aga tongana nyen?”

Zacharie asi singo fadeso na yingo ti nzoni kue, na lo tene: “Sala tene nzoni na Jéhovah Nzapa ti Israël, teti lo ga ti baa na ti zi azo ti lo. Na lo yaa nza ti salut teti e na ya da ti wakua ti lo David.” “Nza ti salut” so ayeke Seigneur Jésus so ade adu lo pepee. Na lege ti lo, Zacharie atene, fade Nzapa “aso e, na ti ti awato ti e, si e lingbi sala na lo na mbito pepee na lege ti be-biani na mbilimbili na gbele lo na la ti e kue”.

Na pekoni Zacharie asala tene ti molenge ti lo, Jean: “Na mo, kete molenge, fade adi iri ti mo prophète ti Lo ti Nduzu Ahon Kue, teti fade mo gue na gbele Jéhovah ti leke lege ti lo, na ti mu ndara na azo ti lo ti hinga salut na lege ti pardonne siokpari ti ala, teti Nzapa ti e ayeke be-nzoni. Fade lumière ti nduzu aga na e, ti su na ndo ala so aduti na bingo na bingo ti kui, na ti fa lege ti siriri na gere ti e.”

Na ngoi ni so Marie, so biani ade amu koli pepee, akiri na ndo ti lo na Nazareth. Ye nyen ayeke si ande na lo tongana azo kue abaa so lo me ngo? Luc 1:56-80; Lévitique 12:2, 3.

▪ Jean aduti kota zo ti Jésus na nze oko?

▪ Nyen asi na Jean tongana lo wara lango miombe?

▪ Na lege wa Nzapa aga ti baa azo ti lo?

▪ Afa kozoni so fade Jean asala kusala wa?