Chapitre 32

A lingbi ti sala nyen na la ti sabbat?

NA MBENI la ti sabbat, Jésus ali na ya mbeni synagogue ndulu na ngu ti Galilée. Na ya ni ayeke mbeni koli so maboko ti lo ahule. Le ti awafango ndia na aFarizien ayeke gi na tele ti Jésus. Ala ye ti baa wala lo yeke lungula kobela ti koli so. Na ndani, ala hunda na lo: “Ndia amu lege na zo ti lungula kobela na la ti sabbat?”

Amokonzi ti nzapa ti aJuif atene Ndia amu lege ti lungula kobela ti mbeni zo na la ti sabbat gi tongana zo ni aga ndulu ti kui. Ala manda na azo so na la ti sabbat Ndia akanga lege na zo ti kiri mbeni bio na place ti lo wala ti kanga bongo na ndo gere so atourné. Tongana awafango ndia na aFarizien ahunda ye na Jésus, a yeke ti wara tene ti bi na li ti lo.

Me, Jésus ahinga lege so ala yeke fa nda ti tene. Na nga, lo hinga ala sala ye ahon ndoni, ye so ake ambeti ti nzoni-kue na lege ti ye so ala tene Ndia akanga lege na zo ti sala na la ti sabbat. Tongaso, Jésus ahinga ala yeke gi tene na lo tongana lo tene na zo so maboko ti lo ahule: “Londo, mo luti na gbele ala.”

Fadeso Jésus abaa awafango ndia na aFarizien, na lo tene na ala: “Zo nyen na popo ti i tongana lo yeke na ngasangbaga oko, na ngasangbaga so ati na du na la ti sabbat, fade lo gbu lo, lo zia lo na gigi pepee?” Teti so ngasangbaga ni aye ti tene nginza, fade ala zia ni na ya du juska ndade pepee, teti peut-être kobela asala ni na a glisa ngere ti lo. Na nga, Mbeti ti Nzapa atene: “Zo ti mbilimbili abata anyama ti lo nzoni.”

Jésus ahaka mbeni ye na tene so: “Ngere ti zo ayeke ngangu mingi ahon ngere ti ngasangbaga pepee! Tongaso, Ndia amu lege na zo ti sala nzoni na la ti sabbat.” Amokonzi ti nzapa alingbi ti ke pepee tene ti ndara na ti ndoyee so, tongaso ala duti kpo.

Na ngonzo nga na vundu teti so ala kpengba li ti ala, Jésus abaa azo so ayeke na tele ti lo. Na pekoni, lo tene na koli ni: “Mo ye ti ti mo.” Na lo ye ni na maboko ti lo aga nzoni.

A-Farizien ayeke na ngia pepee so maboko ti koli ni aga nzoni, me ala sigigi na fade fade ala wa tele ti ala na azo ti Hérode ti fa Jésus. Azo ti Hérode ayeke mbeni bungbi ti poroso so ambeni Sadducéen ayeke na ya ni nga. Mingi, bungbi ti poroso so na aFarizien ake tele, me fadeso ala bungbi oko ti ke Jésus. Matthieu 12:9-14; Marc 3:1-6; Luc 6:6-11; aProverbe 12:10; Exode 20:8-10.

▪ Ye nyen asala si amokonzi ti nzapa ti aJuif agi tene na Jésus?

▪ Amokonzi ti nzapa so atene zo so alungula kobela na la ti sabbat asala nyen?

▪ Jésus amu tapande wa ti fa so tene ti ala ayeke na lege ni pepee?