Jésus asava mbeni zo na lâ ti Sabbat

3:1-5

Ngbanga ti nyen bango ndo ti akota zo ti nzapa ti aJuif ason bê ti Jésus? Ngbanga ti so ala sara si Sabbat aga mbeni nengo kungba na lege so ala sigi na gbâ ti akete kete ndia. Na tapande, a mû lege na zo pëpe ti fâ siri. A mû lege ti kaï kobela gï tongana fini ti zo ni ayeke na yâ ti kpale. Ye so aye ti tene so tongana bio ti zo afâ wala azi na lê ti terê, a lingbi ti bâ lege ni pëpe na lâ ti Sabbat. A yeke polele so akota zo ti nzapa ti aJuif abi bê ti ala oko pëpe na koli so maboko ti lo abuba so.