Ala Mä na Bê na Nyen?
A-TÉMOIN TI JÉHOVAH amä na bê na Nzapa ti Ngangu Ahon Kue, Jéhovah, Wasalango ayayu na sese. Tâ dutingo ti akpengba ye so adö bê ti ndagigi so angoro e afa biani so mbeni Wasalango ye so hingango ye ti lo na ngangu ti lo ahon ye kue asala ye so kue. Legeoko tongana ti so akusala ti akoli na awali ayeke fa na gigi alengo ti ala, legeoko nga akusala ti Jéhovah Nzapa afa na gigi alengo ti lo. Bible atene na e so “a to nda ni na lâ ni so Nzapa acréé sese so, azo ahinga ye ti Lo so lê aba pepe.” Nga, na zingo yanga pepe, “ayayu asala tene ti gloire ti Nzapa; le-nduzu afa na gigi kusala ti tïtî Lo.”—aRomain 1:20; Psaume 19:2-5 (19:1-4, NW).
Azo ayeke sala adu-sembe ti ndô wala atelevizion na ordinateur gi senge pepe. Sese na akeke nga na anyama ti lo ayeke pendere mingi ahon aye so. Lege so a sala na tele ti zo na ase-tele ti lo ngbundangbu mingi ahon gbungo nda ti ye ti e, même mongoli so na lege ni e yeke bi bê ayeke pendere na mbeni lege so a yeke ngangu ti gbu nda ni! Tongana aye so azo aleke ayeke na nda ni, atä so a lingbi ti haka ni na ti Nzapa pepe, kite ayeke pepe so Jéhovah Nzapa ayeke na mbeni ye so lo leke ti sala teti création ti lo so adö bê! A-Proverbe 16:4 atene a yeke tongaso: “L’Eternel asala ye kue teti kusala so Lo ye.”
Jéhovah asala sese teti mbeni kusala, tongana ti so lo tene na kozo koli na kozo wali: “I dü amolenge mingi, i wu, i si singo na sese . . . ; i komande asusu ti kota ngu ti ingo, andeke ti nduzu, na ye ti fini kue so atambela na ndo sese.” (Genèse 1:28) Teti so ala ke yanga, ala lingbi la ni pepe ti sala si sese asi na asewa ti mbilimbili so ayeke bata fade na lege ti ndoye sese na akeke nga na anyama ti lo. Me glisango lege ti ala asala pepe si ye so Jéhovah aleke ti sala atï na ngu. Angu saki mingi na pekoni, a sû na mbeti: “ Nzapa so aleke na asala sese . . . , Lo sala sese ni pepe ti ga ye so afuti, Lo leke sese so si azo alingbi duti dä.” Fade a yeke futi ni pepe, “me sese ni angbâ lakue.” (Esaïe 45:18; Zo-ti-fa-tene 1:4) Ye so Jéhovah aleke ti sala teti sese ayeke ga ande tâ tene: “Fade wango ti Mbi angbâ, na fade Mbi sala ye kue so bê ti Mbi aye.”—Esaïe 46:10.
Tongaso, aTémoin ti Jéhovah amä na bê so fade sese ayeke ngbâ teti lakue lakue na fade azo kue, ala so ayeke na fini nga na ala so akui, so ayeke yeda ande na ye so Jéhovah aleke ti sala teti mbeni pendere sese so azo ayeke duti dä alingbi ande ti duti na ndo ni teti lakue lakue. Azo ti sese kue awara siokpari na lege ti Adam na Ève, na tongaso, ala yeke awasiokpari. (aRomain 5:12) Bible atene na e: “Futa ti siokpari ayeke kui.” “Teti ala so ayeke na fini ahinga fade ala kui; me ti akinda, ala hinga ye oko pepe.” “Âme so asala siokpari, fade a kui.” (aRomain 6:23; Zo-ti-fa-tene 9:5, NW; Ezéchiel 18:4, 20) Tongaso, tongana nyen ala lingbi ti duti na fini mbeni, na ti wara mbage na adeba nzoni so aga na sese? Gi na lege ti kota ngele ti sadaka ti Christ Jésus, teti lo tene: “Mbi yeke londongo ti awakinda nga na fini. Lo so afa na gigi mabe ti lo na yâ mbi, atä lo kui, fade akiri na fini.” “Azo kue so ayeke na dukua, fade ala mä yanga ti Lo, na ala sigigi.”—Jean 5:28, 29; 11:25, NW; Matthieu 20:28.
Tongana nyen ye so ayeke ga tâ tene? A fa pekoni na yâ ‘nzo tene ti royaume,’ so Jésus ato nda ti fa ni na ngoi so lo yeke na sese. (Matthieu 4:17-23) Me laso aTémoin ti Jéhovah ayeke fa nzo tene na mbeni lege so ayeke nde mingi.
[Tableau na lembeti 13]
AYE SO ATÉMOIN TI JÉHOVAH AMÄ NA BÊ DÄ
Tene ti Mabe Nda Ni na yâ Bible
Bible ayeke Tene ti Nzapa na 2 Tim. 3:16, 17;
a yeke tâ tene 2 Pi. 1:20, 21; Jean 17:17
Christ ayeke Molenge ti Nzapa Mat. 3:17; Jean 8:42; 14:28;
na Nzapa ayeke kota ahon lo 20:17; 1 aCor. 11:3; 15:28
Christ ayeke kozo ti aye so aCol. 1:15; Apoc. 3:14
Nzapa asala
Christ akui na ndo mbeni keke, aGal. 3:13; Kus. 5:30
pepe na ndo mbeni croix
A mu fini ti Christ ti zo Mat. 20:28; 1 Tim. 2:5, 6
tongana mbeni kota ngele teti 1 Pi. 2:24
azo so amä yanga
Oko sadaka ti Christ alingbi aRom. 6:10; aHéb. 9:25-28
awe
A zingo Christ na kuâ tongana 1 Pi. 3:18; aRom. 6:9;
mbeni zo ti yingo so Apoc. 1:17, 18
alingbi tikui lâ oko pepe
Singo ti Christ ayeke na Jean 14:19; Mat. 24:3;
lege ti yingo 2 aCor. 5:16; Ps. 110:1, 2
E yeke fadeso na Mat. 24:3-14; 2 Tim. 3:1-5;
‘lâ ti nda ni’ Luc 17:26-30
Royaume so ayeke na gbe ti Es. 9:5, 6 (9:6, 7, NW); 11:1-5;
Christ ayeke komande ande Dan. 7:13, 14; Mat. 6:10
sese na yâ mbilimbili nga
na siriri
Royaume ni ayeke ga na Ps. 72:1-4; Apoc. 7:9, 10,
anzoni ye teti dutingo na 13-17; 21:3, 4
fini na sese
Fade Nzapa afuti bungbi ti Apoc. 16:14, 16; Soph. 3:8
aye ti fadeso na yâ bira na Dan. 2:44; Es. 34:2 55:10, 11;
Har–Maguédôn;
Fade a futi azo ti sioni Mat. 25:41-46; 2 aThes. 1:6-9
teti lakue lakue
Azo so Nzapa ayeda na ala Jean 3:16; 10:27, 28;
ayeke wara ande fini ti 17:3; Marc 10:29, 30
lakue lakue
Lege ti gue na fini ayeke
gi oko Mat. 7:13, 14; aEph. 4:4, 5
Azo ayeke kui ndali ti aRom. 5:12; 6:23
siokpari ti Adam
Na ngoi ti kui, âme ti zo Ezéch. 18:4; Zo-ti. 9:10;
azia ti duti na fini Ps. 6:6 (6:5, NW); 146:4;
Enfer ayeke dukua so azo kue Job 14:13, AG;
ague dä Apoc. 20:13, 14, AG
Beku teti akinda ayeke 1 aCor. 15:20-22;
londongo ti awakinda Jean 5:28, 29; 11:25, 26
Kui so aga na lege ti Adam 1 aCor. 15:26, 54;
ayeke hunzi ande Apoc. 21:4; Es. 25:8
Bible
Gi mbeni kete kundu ti azo Luc 12:32; Apoc. 14:1, 3;
144 000 si ayeke gue na yayu 1 aCor. 15:40-53; Apoc. 5:9, 10
na yeke komande legeoko na
Christ
A kiri adü azo 144 000 1 Pi. 1:23; Jean 3:3;
tongana amolenge ti Nzapa na Apoc. 7:3, 4
na lege ti yingo
A te fini mbele na Israël Jér. 31:31; aHéb. 8:10-13
ti yingo
A leke kongrégation ti aEph. 2:20; Es. 28:16;
Christ na ndo lo mveni Mat. 21:42
A lingbi asala kusala pepe Ex. 20:4, 5; Lév. 26:1;
na ayanda na yâ vorongo 1 aCor. 10:14; Ps. 115:4-8
A lingbi akpe salango ye Deut. 18:10-12; aGal. 5:19-21;
ti ayingo sioni Lév. 19:31
Satan ayeke mokonzi so lê 1 Jean 5:19; 2 aCor. 4:4;
aba pepe ti sese so Jean 12:31
A lingbi Chrétien amu mbage 2 aCor. 6:14-17; 11:13-15;
pepe na alege ti vorongo aGal. 5:9; Deut. 7:1-5
nde nde so abungbi oko
A lingbi Chrétien aduti nde Jacq. 4:4; 1 Jean 2:15;
na sese so Jean 15:19; 17:16
A lingbi abata andia kue so Mat. 22:20, 21; 1 Pi. 2:12; 4:15
azo aleke so ague nde pepe
na andia ti Nzapa
Mungo mênë na yâ tele atä Gen. 9:3, 4; Lév. 17:14;
na lege ti yanga wala ti Kus. 15:28, 29
akamba ti tele ake andia Kus. 15:28, 29
ti Nzapa
A lingbi abata andia ti 1 aCor. 6:9, 10; aHéb. 13:4;
Bible na ndo salango ye 1 Tim. 3:2; aProv. 5:1-23
ti zo
A mu la ni ndia ti batango Deut. 5:15; Ex. 31:13;
sabbat gi na Israël oko, na aRom. 10:4; aGal. 4:9, 10;
a hunzi legeoko na Ndia aCol. 2:16, 17
ti Moïse
A yeke na lege ni pepe ti Mat. 23:8-12; 20:25-27;
duti na mbeni bungbi ti Job 32:21, 22
amokonzi ti lege ti
vorongo, na ti duti na a-iri
so aye ti yä zo na nduzu
Zo aga na fini na lege ti Es. 45:12; Gen. 1:27;
pepe me a leke lo lekengo Mat. 19:4
Batême na lege ti yorongo Marc 1:9, 10; Jean 3:23;
zo kue na yâ ngu ayeke fä Kus. 19:4, 5
timungo tele kue na Nzapa
A-Chrétien ayeke fa na ngia aRom. 10:10; aHéb. 13:15;
tene ti témoin na gbele azo Es. 43:10-12
na ndo tâ tene ti Mbeti
ti Nzapa
[Foto na lembeti 12]
SESE . . . Jéhovah asala ni . . . azo abata ni . . . azo ayeke ngbâ dä teti lakue lakue