MBAGE 9

Sese ayeke ga paradis lawa?

Akpale so ayeke si na ndö ti sese afa so Royaume ti Nzapa ayeke nduru ti sara mbeni ye. Luc 21:10, 11; 2 Timothée 3:1-5

Akpale so ayeke asi na lâ ti nda ni—azo ayeke sara ajeu ti nginza, bira, kobela, kpale ti nzara, amolenge so ayeke mä yanga ti ababâ na mama ape, nga akpale na yâ ti sewa

Bible afa kozo awe tënë ti aye so ayeke si na ngoi ti laso. A fa so azo ayeke ga azo so andoye nginza, azo so ake yanga ti ababâ na amama ti ala, azo so ayeke asioni zo nga azo so andoye angia mingi.

A fa so sese ayeke yengi ngangu na ando nde nde, a sara tënë ti abira, kota nzara nga tënë ti akobela so ayeke mû ndo. A yeke aye so ayeke si laso la.

Mbeni Témoin ti Jéhovah ayeke fa nzoni tënë ti Royaume na mbeni koli

Jésus atene nga so fade a fa nzoni tënë ti Royaume na ndö ti sese kue.—Matthieu 24:14.

Fade Royaume ni azi aye ti sioni kue. 2 Pierre 3:13

A futi azo ti sioni na ngoi ti Harmageddon, na pekoni a yeke fâ ngbanga na ndo ti Satan na asioni yingo

Na yâ ti kete ngoi, fade Jéhovah afuti asioni zo kue.

Fade a kanga Satan na asioni yingo.

Jésus aduti na ndo ti trône ti lo na yayu na tere ti azo ti amara nde nde anzere

Azo so amä yanga ti Nzapa si ayeke so kuâ ti lï na yâ ti fini dunia ti mbilimbili, so mbeto ayeke dä pëpe, so azo kue ayeke na confiance na mba nga ala ye terê na popo ti ala.