Bia 137
Jéhovah, mû na e ngangu
Na ndo kue azo ake e,
na ala yeke dema,
teti so e yeke fa ye
na ndo ti mo Jéhovah.
Me e kpe azo pëpe,
gi mo la e yeke mä mo.
Ni la, e hunda yingo ti mo;
Jéhovah, mä toto ti e.
(LI TI BIA)
Jéhovah, mû na e ngangu
ti fa ye kue dandara.
Fa na e awakua ti mo
kode ti fango tënë.
Harmaguédon ayeke ga,
zia si e fa ni na azo.
Jéhovah, mû na e ngangu.
Kpengba e kue.
Mo Nzapa la mo leke e,
mo hinga e yeke zo.
Me e zia bê ti e na mo,
fade e tomba mbeto.
Nzapa ti e, Jéhovah,
luti na awato ti e.
Mû maboko na e ti sara
kua ti e sân mbeto ti zo.
(LI TI BIA)
Jéhovah, mû na e ngangu
ti fa ye kue dandara.
Fa na e awakua ti mo
kode ti fango tënë.
Harmaguédon ayeke ga,
zia si e fa ni na azo.
Jéhovah, mû na e ngangu.
Kpengba e kue.
(Bâ nga 1 aThes. 2:2; aHéb. 10:35.)