POINT 7

Atënë so ayeke tâ tënë nga so zo ayeda na ni

Luc 1:3

NA NDURU TËNË: Mû asango ti mo gï na ndo so azo asara confiance na ni tongaso a yeke aidé azo so ayeke mä mo ti yeda na tënë ni.

Gi ye na yâ ti ambeti so zo asara confiance na ni. Zia si atënë so mo tene alondo na Bible, tongana lege ayeke dä sara kue ti diko versê na yâ ti Bible. Tongana mo yeke fa mbeni ye so science asara tënë ni, wala mbeni sango, wala mbeni ye so asi na azo wala ambeni ye tongaso, gi kozoni kue ti bâ wala zo alingbi ti sara confiance na ni nga eskê ayeke afini ye.
Sara kua na aye ni so na lege ni. Fa nda ti aversê alingbi na atënë so angoro aversê ni. Fa ndani nga alingbi na mama-tene ti Bible wala na ambeti so “ngbâa be-ta-zo so ayeke sara ye na ndara” asigi na ni (Mat. 24:45). Tongana mo yeke fa atënë ti yâ ti ambeti so ayeke ti bungbi ti Jéhovah ape, fa ni gï tongana ti so awani asû na ni.

Mo kono yâ ti atënë pëpe wala mo changé pëpe wungo ti aye so a fa. Sara hange si tongana a tene “ambeni zo” mo changé ni na “gbâ ti azo” pëpe, nga tongana a yeke “ngoi na ngoi” mo changé ni na “lakue” pëpe wala a tene “aye nga ti tene” mo kiri na ni na “peut-être” pëpe.
Pika patara na azo so ayeke mä mo na ndö ti aye so mo wara. Na peko ti so mo diko mbeni versê wala mo fa peko ti mbeni tënë, na kode hunda ambeni tënë wala mû mbeni tapande ti mû maboko na azo so ayeke mä mo ti tene ala wani la awara tâ vrai kiringo tënë ni.