Tënë so azo amä yâ ni

1 aCorinthien 14:9

NA NDURU TËNË: Sara si azo so ayeke mä mo amä yâ ti ye so mo ye ti fa.

LEGE TI SARANGO NI:

• Manda ye ni nzoni. Gi ti mä yâ ti devoir ti mo ni nzoni si mo lingbi ti zi ndani na mbeni lege so akpengba ape nga atënë ni alondo na bê ti mo.

• Sara tënë nduru nga polele. Apeut ti si so mo gboto yâ ti atënë, me tongana mo ye ti fa akota tënë a yeke nzoni mo sara tënë nduru.

• Zi nda ti atënë so azo ahabitué na ni ape. Sara kue ti sara kua mingi pëpe na atënë so azo so ayeke mä mo ahabitué na ni ape. Tongana mo doit ti fa aye so azo ahabitué na ni ape, na tapande mbeni tënë, iri ti azo ti yâ ti Bible, amesure ti aye wala angobo, a yeke nzoni mo fa ndani.